ZABURA.
70.
Dauda lɛ̀ɛ. N yã nna Luda, ǹ ma mì sí, Dikiri, ǹ kɛ likalika ǹ mↄ́ ǹ kpámai. 
Ǹ tó wé'i gbɛ̃ kũ òtɛni ma wɛ ò ma dɛnↄ kũ, ò ń mì pɛ́tɛ. Ǹ tó gbɛ̃ kũ ò ye mà sunyĩ lenↄ kpɛ li, ń ãn gↄ̃ sisina. 
Gbɛ̃ kũ òdi omɛnɛ, taarɛ, taarɛnↄ, ǹ tó ò ɛra kũ wé'iyão. 
Gbɛ̃ kũ òtɛni n ki wɛtɛnↄ pↄ kɛmma nna ò yáa dↄ, gbɛ̃ kũ ò ye ǹ surabanaainↄ gↄ̃ pi Luda zↄ̃kↄ̃. 
Takaside wɛ̃ndademɛ ma ũ, Luda, ǹ kɛ likalika. Mↄkↄ̃mmɛ ma kpanyĩri ũ kũ ma surabariio, Dikiri, ǹsun gì kɛro.