ZABURA.
75.
Asafa lɛ̀ɛ. O n sáabu kɛ̀ Luda, o n sáabu kɛ̀. Tó ò n yãbonsarɛnↄ bàba, ndìgↄ̃ kú kãni. 
Luda pì: Ma gↄrↄ dìtɛ kũ mani yãkpatɛ kɛ a zɛ́a. 
Tó andunia yĩ̀gã kũ gbɛ̃ kũ ò kunnↄ ń pínki, makũ mɛ́ madì a gbɛ̀gbanↄ kũ gíngin. 
Madì o zĩdabirinↄnɛ òsun ĩa dãro, madì o yãvãnikɛrinↄnɛ òsun kùa biriro. 
Àsun kùa biri ludambɛaro, àsun waka nↄnↄmairo. 
Zaakũ gbãna dì bo ifãboki kpa ke a lɛ́tɛ kparo, àdi bo gbárannanlo, 
Ludamɛ yãkpatɛkɛri ũ, àkũ mɛ́ àdi gbɛ̃ do lago à gbɛ̃ do kara. 
Toko kú Dikiri ↄĩ, í gbãna kán à pà, àtɛn sɛ́n a pↄfɛ̃ ũ fùuu. Àdi atɛ̃ andunia yãvãnikɛrinↄa ń pínki, òdi mi à láka lái kũ a gbↄ̃̀ↄo. 
Makũ sↄ̃, manigↄ̃ yã pì o gↄrↄ sĩnda pínki, mani Yakubu Luda táaki lɛ́. 
Mani yãvãnikɛrinↄ bɛ̃nɛ ɛ́'ɛ, gbɛ̃ mananↄ bɛ̃nɛ sↄ̃, mani sɛ́ musu.