ZABURA.
82.
Asafa lɛ̀ɛ. Luda vutɛna pari kↄ̃kakaranaa gũn, àtɛn yãkpatɛ kɛ kũ Ludanↄ à pì: 
Ari bↄrɛn ánigↄ̃ yãkpatɛ kɛɛ a kpɛdangara à yã sí yãvãnikɛrinↄnɛɛ? 
À yã nna kpá gbãnasaridenↄa kũ tonɛnↄo, à zɛ kũ takasidenↄ kũ gbɛ̃ kũ òtɛn wɛ́ tãḿmanↄo. 
À gbãnasaridenↄ kũ wɛ̃ndadenↄ sura ba, à ń bo yãvãnikɛrinↄ ↄĩ. 
Ò yãke dↄ̃ro, ò a ke gbá dↄ̃ro, ò kú gusira gũmmɛ, akũ andunia yĩ̀gã ari a gɛ̃i. 
Ma pì Ludanↄmɛ á ũ, Luda Musude nɛ́nↄn á ũ á pínki. 
Bee kũ abireo áni ga bisãsiri gana ũmɛ, áni kpágula lán gbãnade kparanↄ bàmɛ. 
Luda, ǹ futɛ ǹ yãkpatɛ kɛ kũ anduniao, zaakũ buri sĩnda pínki bi n pↄ́mɛ.