ZABURA.
95.
À mↄ́ ò pↄnna lɛ̀ sí Dikirinɛ, ò ayuwii dↄ Gbɛ̀si kũ àdi ó sura baa. 
Ò su a arɛ ò a sáabu kpá, ò lɛ̀ sí ò a táaki lɛ́. 
Zaakũ Dikiri bi Luda kũ à zↄ̃kↄ̃mɛ. Kína zↄ̃kↄ̃ↄmɛ, à de dikiri sĩnda pínkila. 
Zĩtɛ lòkoto kú a ↄĩ, kpi mìsↄ̃ntɛnↄ bi a pↄ́mɛ. 
Ísira bi a pↄ́mɛ, zaakũ à kɛ̀, àkũ mɛ́ à zĩtɛ í kàsa kũ a ↄo. 
À mↄ́ ò kútɛ ò donyĩ kɛ ò wútɛ Dikiri ó Kɛ̀ri arɛ. 
Zaakũ àkũmɛ ó Luda ũ, a kpàsa gbɛ̃nↄmɛ ó ũ, a sã kũ àtɛni ń dãnↄ ũ. Tó a a kòtoo mà gbãra, 
àsun sãgbãna kɛ lákũ á dizinↄ kɛ̀ nà zaa Mɛribaro ke Masa gↄrↄ kũ ò kú gbárannan. 
Bee kũ ò ma yãkɛnanↄ è, ò ma lɛ ò ma gwa gwe. 
Akũ ma pↄ fɛ̃̀ gbɛ̃ pìnↄi ari wɛ̃̀ bupla, ma pì gbɛ̃ sãsãnanↄmɛ ń ũ, ò ma zɛ́nↄ dↄ̃ro. 
Akũ ma la dà ma pↄfɛ̃ gũn ma pì, oni gɛ̃ ma kámmabokinlo.