ZABURA.
97.
Dikiri mɛ́ àtɛn kí ble, zĩtɛdenↄ pↄnna kɛ, ísirabaradenↄ gↄ̃ kú pↄnna gũn. 
Legũ luku kũ gusira níkinikio likai, manakɛ kũ yãzɛdeoomɛ a kpata zĩni ũ. 
Tɛ́ dìgↄ̃ kũ a arɛ, àdi ibɛrɛ kũ ò likainↄ kpata. 
A legũpinaa dì zĩtɛ pu, tó andunia è, àdi luka. 
Kpinↄ dì yↄ́ lán zↄ́saa bà Dikiri arɛ, andunia pínki Dikiri arɛ. 
Musudenↄ dì a manakɛ kpàkpa kɛ, buri sĩnda pínki dì a gakuri e. 
Wé'i dì tãnagbagbarinↄ kũ ń pínki, gbɛ̃ kũ òdi ĩa dã kũ pↄ́ ginanↄ. Tãnanↄ ni donyĩ kɛnɛ ń pínki. 
Zaiↄ̃denↄ mà ò pↄnna kɛ̀, Yuda wɛ̃tɛdenↄn kú pↄnna gũn n yãkpatɛkɛnanↄ yãi, Dikiri. 
Zaakũ ń kú musu de andunia pínkila, Dikiri, ń de tãnanↄla ń pínki. 
Dikiri ye gbɛ̃ kũ ò zã̀ yã vãninnↄi, àdigↄ̃ a yãmarinↄ wɛ̃̀ndi dãkpã, àdi ń bo yãvãnikɛrinↄ ↄĩ. 
Gu dì dↄ gbɛ̃ mananↄa, nɛ̀sɛpuradenↄn pↄnna vĩ. 
Gbɛ̃ mananↄ, à pↄnna kɛ Dikiri gũn, à a tↄ́ kũ à kú adona bo.