ZABURA.
113.
Aleluya! Dikiri zↄ̀blerinↄ, à a táaki lɛ́, à Dikiri tↄ́ bo! 
Ò Dikiri sáabu kpá zaa tera ari gↄrↄ sĩnda pínki. 
Ò Dikiri tↄ́ bo zaa ifãboki kpa ari a lɛ́tɛ kpa. 
Dikiri zↄ̃kↄ̃ de buri sĩnda pínkila, a gakuri dana musula. 
Dí mɛ́ à kà Dikiri ó Luda ũu? À vutɛna kpatan zaa musu, 
àdi wɛ́ zu zĩtɛ à musu kũ zĩtɛo gwa. 
Àdi gbãnasaridenↄ bo bùsu tɛ́ à ń futɛ, àdi wɛ̃ndadenↄ bo tuburan à ń sɛ́ lei. 
Àdi ń da kínanɛnↄ tɛ́, buri kũ à sɛ̀ kínanɛnↄ. 
Àdi para kara a bɛn, àdi a kɛ nɛ́rande pↄnnade ũ. Aleluya!