ZABURA.
116.
Má ye Dikirii, zaakũ à ma yã mà, à ma wikilɛnaawa mà. 
Manigↄ̃ a sísi ari ma wɛ̃̀ndi lɛ́n, kũ à sã kpàmai yãi. 
Ga bàa fĩ̀kãmai yã, mira wãwã tↄ̃̀ma, wɛ́tãmmana kũ pↄsirao dàmala. 
Akũ ma Dikiri sìsi ma pì: Dikiri, n yã nna, ǹ ma mì sí. 
Dikirin sùru vĩ akũsↄ̃ à mana, ó Luda wɛ̃nda vĩ. 
Dikiri dì gbãnasaridenↄ dãkpã, kũ ma busa, à ma sura bà. 
Ma swɛ̃̀, ǹ kɛkɛ ǹ kpátɛ, zaakũ Dikiri yã mana kɛ̀nnɛ. 
Dikiri, n ma bo ga lɛ́i, n wɛ́'i wàramɛnɛ, ńdi tó ma gɛ̃̀ síro, 
de màgↄ̃ tɛ́ n arɛ gbɛ̃ bɛ̃nɛnↄ kukia la. 
Bee kũ wari tↄ̃̀ma ma gↄ̃ búgubugu, má kpɛ́ a náanikɛna, akũ ma yã ò. 
Bídi ma kũ ma pì: Gbɛ̃ sĩnda pínki bi ɛ́kɛdenↄmɛ. 
Bↄ́n mani fĩna boo Dikirinɛ yã mana kũ à kɛ̀mɛnɛ pínki musuu? 
Mani Dikiri surabana toko sɛ́ musu, mani a sísio. 
Mani lɛ́ kũ ma kɛ̀ Dikirianↄ papa a gbɛ̃nↄ wára ń pínki. 
Dikiri yãmarinↄ gana bɛ̀ɛrɛ vĩnɛ. 
Dikiri, n yã nna, n zↄ̀bleriimɛ ma ũ, nↄgbɛ̃ kũ à zↄ̀ↄ blènnɛ nɛ́mɛ ma ũ, n ma bo bàn. 
Mani kɛnnakũkↄ̃o sa omma, mani n sísio, Dikiri. 
Mani lɛ́ kũ ma kɛ̀ Dikirianↄ papa a gbɛ̃nↄ wára ń pínki 
a kpɛ́ ↄnn Yurusalɛmu gũn. Aleluya!