ZABURA.
125.
Gɛna Yurusalɛmu lɛ̀ɛ. Dikiri náanikɛrinↄn de lán Zaiↄ̃ kpi bà, à yĩgãyĩgãna vĩro, àdigↄ̃ kun gↄrↄ sĩnda pínki. 
Lákũ kpinↄn likana Yurusalɛmui nà, lɛn Dikiri likana a gbɛ̃nↄi lɛ zaa tera ari gↄrↄ sĩnda pínki. 
Gbɛ̃ vãninↄ ni le ògↄ̃ kí ble gbɛ̃ mananↄ bùsun ògↄ̃ gɛ́ro, de gbɛ̃ mananↄ sún ↄ da vãnikɛnanlo yãi. 
Dikiri, ǹ yã mana kɛ gbɛ̃ mananↄnɛ, gbɛ̃ kũ ń nɛ̀sɛ puranↄ. 
Gbɛ̃ kũ ò zɛ́ kotinaa sɛ̀nↄ sↄ̃, Dikiri ni ń wara kũ vãnikɛrinↄmɛ. Luda Isarailanↄ gba aafia!