ZABURA.
126.
Gɛna Yurusalɛmu lɛ̀ɛ. Kũ Dikiri ó bó zↄ̀blen à sù kũoo Zaiↄ̃, à dewɛrɛ lán nana bàmɛ. 
O vĩ kũ yáadↄo o ayuwii kɛ̀, akũ burinↄ pìkↄ̃nɛ, Dikiri yã zↄ̃kↄ̃ↄ kɛ̀wɛrɛ. 
Dikiri yã zↄ̃kↄ̃ↄ kɛ̀wɛrɛ, akũ ótɛn pↄnna kɛ. 
Dikiri, ǹ su kũoo ó gwena zĩn, lákũ ndì su kũ ío gbárannan nà. 
Gbɛ̃ kũ ò pↄ́ tↄ̃̀ kũ wɛ́'ionↄ, adenↄ ni kɛkɛ kũ ayuwiikɛnaaomɛ. 
Gbɛ̃ kũ à bò kũ ↄ́ↄdↄo kũ pↄ́wɛ burio kũna, ade ni ɛra à su kũ ayuwiikɛnaao kũ ése bàkaao sɛna.