ZABURA.
137.
Kũ o vutɛ Babilↄnu swanↄ sarɛ, Zaiↄ̃ yã dↄ̀ógu, akũ o ↄ́ↄ dↄ̀. 
O ó mↄrↄnↄ tò lokona luba línↄa gwe. 
Gwen gbɛ̃ kũ ò ó kũnanↄ pì ò lɛ̀ síńnɛ, ó wɛ́tãmmarinↄ ye ò kↄ̃kↄ̃ ońnɛ, ò Zaiↄ̃ lɛ̀nↄ doke síńnɛ. 
Deran óni Dikiri lɛ̀nↄ sí nà buri pãndenↄ bùsuu gũnn? 
Tó n yã sã̀magu Yurusalɛmu, ma ↄpla ga. 
Tó Yurusalɛmu yã dí dↄmaguro, tó mádi a ditɛ ma pↄnnakɛna mìde ũro, ma nɛ́nɛ natɛ. 
Dikiri, ǹ dↄ yã kũ Ɛdↄmunↄ kɛ̀n zĩ kũ ò yã mↄ̀ Yurusalɛmunɛ ò pì: À wíwi, à wíwi à datɛ manamana. 
Babilↄnudenↄ bi pↄ́ kakatɛnanↄmɛ! Arubarikademɛ gbɛ̃ kũ ani yã kũ a kɛ̀wɛrɛ fĩna boárɛ ũ, 
kũ ani á nɛ́nↄ kũkũ à ń pápa gbɛ̀ɛa.