ZABURA.
146.
Aleluya! Ma swɛ̃̀, ǹ Dikiri táaki lɛ́. 
Manigↄ̃ Dikiri táaki lɛ́ ari ma wɛ̃̀ndi lɛ́a, manigↄ̃ lɛ̀ sí ma Ludanɛ ari ma kunna lɛ́a. 
Àsun náani kpá gbãnadenↄaro, surabana kú bisãsiri kĩnaaro. 
Tó ń wɛ̃̀ndii tà, òdi ɛra ò gɛ̃ bùsun, zĩ birean yã kũ òtɛn pɛ́a dì láka. 
Arubarikademɛ gbɛ̃ kũ Yakubu Luda de a kpanyĩri ũ ũ, kũ à wɛ́ dↄ Dikiri a Ludai. 
Àkũ mɛ́ à musu kũ zĩtɛo kɛ̀, ísira kũ pↄ́ kũ ò kú a gũnnↄ pínki. Dikiri náani vĩ gↄrↄ sĩnda pínki, 
àdi yã sí kũ gbɛ̃ kũ òtɛn gbãna mↄńnɛnↄo, àdi pↄ́ble kpá nàdɛrinↄa. Dikiri dì bàa poro gbɛ̃ kũ ò yĩnanↄa, 
Dikiri dì vĩ̀nanↄ wɛ́ wɛ̃ńnɛ, Dikiri dì gbɛ̃ kũ wari tↄ̃̀ḿmanↄ futɛ, Dikiri dìgↄ̃ ye gbɛ̃ mananↄi. 
Dikiri dì bòasunↄ gwa, àdi ↄ da gyaanↄnↄa kũ tonɛnↄo, ama àdi zɛ́ yãkatɛ gbɛ̃ vãninↄnɛ. 
Dikiri dìgↄ̃ kí ble gↄrↄ sĩnda pínki, Zaiↄ̃denↄ, á Luda dìgↄ̃ kun ari á buria. Aleluya!