Same.
54.
Tomo Sipiti Saulo ana wasa siwolena yakato Deibida ikeno-wadam luwali mena kabo Deibida same bwaite ilele O Yaubada, kuleboyau esam mena yo kulivasiyau am kaiwe koina. 
Yagu kawanoi kubenalan yo yagu walo kubenalagili. 
Tomo gagagagasali sitolo sikalomagigi-lagau, yo tomo sokasokali sitonatonan yakato siunuiyau, siya nige Yaubada sigogolulau koina. 
Na iyamo Yeoba yagu Yaubada iya kagu tosagu, yo iya kagu totolo kaukausi. 
O Yeoba, kagu tokalomagigiliwone ali naenaena kuyamaisa kolili yo kusibayanaeli kaiwena kowa towalo yawasosi. 
Kani yapwaoli mekate-yawasosigu koliwo yo kani yagu kawatoki yaeyawa kaiwena kowa kunamwanamwa. 
Kaiwena kagu polowe meuloina koina kuleboyauko yo mangu mena kagu tokaleyayao yagitaili ali kaiwe imwawasi.