Same.
67.
O Yaubada, ukwate-kamkamna-yagimai yo kuwalo-muloloimai. Ugite-laoma kolimai me am mulolo, 
na mesabana yanuwa yaulina meuloina am nuwatu sikatai yo tomo meuloili sikatai yakato kowa Tolebolebo. 
O Yaubada, sowasowana tomo meuloili sitobalanagiwo. 
Sowasowana kaba loinao meuloili me ali yaliyaya siwaliwali kaiwena kowa tomo kuyatalayagili loina dudulaina koina. Na tomo meuloili yanuwa yaulina mena ali kamwasa kuyakenayagili. 
O Yaubada, sowasowana tomo meuloili sitobalanagiwo. 
Yaubada ala Yaubada iwalo-muloloilako mwa bwatano imasuli kelikeli kaiwena. 
Yaubada iwalo-muloloilako kabo sowasowana tomo simiyamiya dedei meuloili kolili siyakasisi-yan.