Y Salmo Sija.
128.
Y Cantan Quinajulo. DICHOSO ayo y maañao as Jeova; ni y mamomocat, gui chalanña sija. 
Sa uncano y finachocho y canaemo: siempre unmagof yan umauleg para jago. 
Y asaguamo utaegüije y trongcon ubas ni y bula tinegcha gui jalom guimamo: y famaguonmo manparejo yan y tinanom olibo gui oriyan y lamasamo. 
Estagüe, taegüijeja y bendisionña ni y maañao as Jeova. 
Si Jeova ubinendisejao gui Sion; ya unlie y minauleg guiya Jerusalem todo y jaanin y linâlâmo. 
Magajet na unlie y famaguon y famaguonmo. Pas ugaegue guiya Israel.