12
Mi Pa Pamhnam
1 Mimia phäha mi hnu maa saksi khawhah veki. Acunakyase, akceta jah man kyetkia mkhyenak, mi cehnak lama veki cun mimät naw jah lola lü mi maa veki cun yah vai dawngnak cän mlung mcetnak am mi dawng vai u. 2 Akcük üngkhyüh akpäihnak vei cäpa jumeinak üng mi nghnganeinaka kyaki Jesuh cän mi bük kyet vai u. Kutlamtunga phäh ani cun am hela. Vang lam da ta, ani k'äihkia jekyainaka phäh kutlamtunga khana thihnak cun hmaiksetnaka am ngai, acuna kyase ani cun atuha ta Pamhnama Bawi ngawhnak khet da ngawki ni.
3 Mkhyekia khyange naw ami cawkei ihlawka khamei lü citcawnki ti cän ngai süma. Acuna kyase ktha käh ngcek lü käh hawiha. 4 Mkhyenak na ngtäk püi üngpi na thih vai awnga ta am khamei hamki. 5 12:5,6: Job 5:17; Ngthk 3:11,12 (LXX) Pamhnam naw a caea mäih ktha ning jah pe lü a ning jah ngthumin püi cän nami mhnih u aw?
“Ka ca, Pamhnam naw a ning pitpyang üng ktha käh ngcek lü
a ning ksenak üngpi käh puksea.
6 Isetiakyaküng, Bawipa naw a kphyanaka khyang cun pitpyang lü
a ca kba a dokhama khyang cun ksenaki ni.”
7 Na paa a ning ksenak na khamei cän cuneia; na cüneinak hin naw Pamhnam naw a cae mäia a jah vecawh püi cun mdanki ni. A pa naw am a mcäi khawia ca ve khai aw? 8 A caea kba am a ning mcäi khawi ta a cae kcanga am kya lü akcea caea nami kyaki. 9 Khawmdeka mi pae naw pi jah mcäi u lü mi jah leisawng u ni. Ngmüimkhya lama Mi Pa cun üng mimät cuap lü ihlawka mi xüng yah khai ni. 10 Khawmdeka mi pae naw jah daw hlüsak u lü asäng ami jah mcäi ni. Lüpi Pamhnam naw a jah mcäi ta nimäta dawnak vaia kya lü a ngcimcaihnak yümatei püi vaia phäh ni. 11 Mcäinak mi khameia kcün üngta jenaka am kya, jah thüiseisaki ni. Cun lüpi hnua ta mcäinak mi kham käna ksenaka phu mi ah be ta dimdeiha ngsungpyunkia xünnak ni.
Mcuhmthehnake ja Mcäinake
12 12:12: Hesa 35:3 (LXX)Khakia nami kute cun jah säng lü ktha am vekia nami mkhuke pi cüngsak ua. 13 12:13: Ngthk 4:26 (LXX) Ngsungkia lam üng nami ceha kyak üng a khawkse pi dawnak yah be khai ni.
14 Khyang naküt üng na ngkhawt vaia mtunei lü ngcimcaihki kcünsak üng na xün vaia mtuneia. Isetiakyaküng, ahin am ngpüi xakia u naw pi Bawipa am hmu u. 15 12:15: Deut 29:18 (LXX) Pamhnama bäkhäknak üngkhyüh nglatnak be vai cän mcei bä. U pi thing dung khaa dämduhkia kba ja acun asik naw am dawkyaki a pawha kba käh thawn se. 16 12:16: Gen 25:29-34 A yahei mkäih vaia ca kcük cun eiawk üng jawiki Etawa kba a vecawh am dawki, am ani üng, Ngmüimkhya lam sumnemnak vaia u pi käh thawn se. 17 12:17: Gen 27:30-40Nami ksing ua kba, akäna a paa dawkyanak pet cun yahei hlüki, lüpi ani cun nglat beki. Isetiakyaküng, miktui am ia mäi sui kyaw lüpi a bilawh päng cun nglatsak be khaia tuilam am hmu ti ve.* 12:17: ani naw acun sui; am ani üngani naw dawkyanak a yah vaia mtuneiki
18 12:18,19: Ex 19:16-22; 20:18-21; Deut 4:11,12; 5:22-27Isarele naw Sinai mcunga mei kdäi, nghmüp ja mthan, khawkhi däm, 19 kpunga ng'yüng ja a kthai jah hmu ngja lü ami lawa kba nami lawki am ni. Khyange naw kthai ami ngjak üng akcea khyü käh ami ngjak be vaia nghuikie, 20 12:20: Ex 19:12,13 isetiakyaküng, am ami ngjak khawh ta, “khyüksei hngawh naw mcung a leh vai üng a thih awnga lung am khawng tawng vai,” tia mthehnak cän ni. 21 12:21: Deut 9:19 Mosia hmu cun cäiphyaki, “Kei ngkhyet lü ka cäiki” tia pyenki.
22 Khankhawngsä he athawng khawhah ami venak, Khankhaw Jerusalem, xüngseiki Pamhnama mlüh ja Zion mcunga nami lawki he ni. 23 Khankhawa ngming yuknak khameikie, Pamhnama ca kcüke jekyai lü ami ngkhämnaka nami lawki he ni. Khyang jah dawsak lü jah kümceisakia ngmüimkhyae ja khyang naküt ngthumkhyah khai Pamhnama vei nami lawki he ni. 24 12:24: Gen 4:10 Abelaha thi naw a pawha khyütamea kthaka daw bawki pawhki thi cun kthüih lü ngthumkhän akthai pawhkia Jesuha vei nami lawki he ni.
25 12:25: Ex 20:22Ning jah ngthukhyü püikia pyen cän käh nami kpet vaia mcei ua. Khawmdeka Pamhnama ngthukhyü law püikia pyen kpetki cun mhlät vaia am kya. Khankhaw üngkhyüh jah ngthukhyü püikia pyen mi nglat tak ta ihawkba pi am mi lät. 26 12:26: Hak 2:6 (LXX)Ania kthai naw acuna kcün üng khawmdek ksün lüpi, “Kei naw khawmdek cun ahun däk am ksün lü khankhaw pi ka ksün sih khai,” ti lü a khyütamki ni. 27 “Ahun däk” tia khyü hin naw a mdan ta mhnünmcenge naküt ngsün u lü khyük khaie. Ilünitiakyaküng käh ngsün theikia ngkhaw cun ve hüt khai.
28 Am ngsün theikia khyawngpe mi yahei ua phäh mi je vai u. Leisawngnak ja kyüheinak am Pamhnam mi jesak vai ua tuilam cun sui lü xe na lü Pamhnam mi hjawkhah vai u, 29 12:29: Deut 4:24isetiakyaküng, Pamhnam cun akcanga jah uikia mei ni.
12:5 12:5,6: Job 5:17; Ngthk 3:11,12 (LXX)
12:12 12:12: Hesa 35:3 (LXX)
12:13 12:13: Ngthk 4:26 (LXX)
12:15 12:15: Deut 29:18 (LXX)
12:16 12:16: Gen 25:29-34
12:17 12:17: Gen 27:30-40
*12:17 12:17: ani naw acun sui; am ani üngani naw dawkyanak a yah vaia mtuneiki
12:18 12:18,19: Ex 19:16-22; 20:18-21; Deut 4:11,12; 5:22-27
12:20 12:20: Ex 19:12,13
12:21 12:21: Deut 9:19
12:24 12:24: Gen 4:10
12:25 12:25: Ex 20:22
12:26 12:26: Hak 2:6 (LXX)
12:29 12:29: Deut 4:24