10
Jesuh naw Khyühkip la Nghngih a jah Tüihnak
1 Acunkäna, Jesuh naw akce khyühkip la nghngih* 10:1 khyühkip la nghngih; avang üng khyükip tia ami yuk. jah mcawn lü, a cehnak vaia mlüh la hmun avana, a maa, nghngih ci a jah tüih. 2 10:2 Mt 9:37,38Acunüng Jesuh naw, “Cang ah vai khawjah awmki, cunsepi atki ngcek ve; acunakyase, cang at khai a jah tüih law vaia, cangmah kthäh u lü ktaiyü ua. 3 10:3 Mt 10:16“Cit u; he hea ksunga to hea kba ka ning jah tüiki. 4 10:4-11: Mt 10:7-14; Mk 6:8-11; Lk 9:3-5“Ngui ip, kthäheinaka ngja, khawdawke ä nami jah cehei vai, lama khyang ä nami hnukset vai. 5 “Nami luhnak im avana, akma säiha, ‘Hina im üng dim'yenak pha law se’ nami ti vai. 6 “Acuna im üng dim'yenak ngjahlüki a awm üng nami pyena dim'yenak acunüng ani üng awm khai, ngjahlüki am a ve üng nami hnuksetnak nami lakin be vai. 7 10:7: 1Kor 9:14; 1Tim 5:18“Acuna im üng awm laih laih u lü, ami ning jah pet nami eiawk vai; khüiki cun ngkheng khawiki ni. Im avan üng ä nami kai hü vai. 8 “Nami luhnaka mlüh avan üng ami ning jah pet nami ei vai, 9 “Ami mlüha am phetki he nami jah m’yai be vai, ami veia, ‘Pamhnama khaw naw ning jah k'et law ve’ nami ti vai. 10 10:10,11: Ngs 13:51“Mlüh nami luhnaka am ami ning jah cäinak üng, ami lam üng cit hü u lü, 11 ‘Nami mlüh üngka mvut, kami khawpha üng kawpki pi nami khana kami khawki; cunsepi Pamhnama khaw naw ning jah k’et law ve’ nami ti vai. 12 10:12: Gen 19:24-28; Mt 11:24; 10:15“Ka ning jah mthehki, ngthumkhyanaka mhmüp üng, Pamhnam naw acuna mlüha kthaka Sodom mlüh m'yenei bawk khai.
Am Jumeikia Mlüh he
(Mt 11:20-24)
13 10:13: Hesa 23:1-18; Hez 26:1—28:26; Jol 3:4-8; Amo 1:9,10; Zakh 9:2-4“Korazin mlüh aw, na jo se ve! Bethsaida mlüh aw, na jo se ve! Nangmi üng mdana kba müncankse he Turah la Sidon mlüha mdan vai sü ta, ajan denga jihkpyawn sui ni lü, mvut üng ngaw ni lü, ngjut päng khai sü xawi. 14 “Cunsepi, ngthumkhyanaka mhmüp üng Pamhnam naw nanga kthaka ta Turah la Sidon mlüh jah m'yenei hlü bawk ve. 15 10:15: Hesa 14:13-15“Nang Kapenawm mlüh, khankhaw däa mhlünmtaia kya lü pi, mulai mei däa ning khyaka na kya khai” a ti.
16 10:16:Mt 10:40; Mk 9:37; Lk 9:48; Jn 13:20Jesuh naw, “Upi, nami ngthu ngaiki cun, keia ngthu ngaikia kyaki; upi nami ngthu ä ngaiki cun keia ngthu ä ngaikia kyaki ni; upi keia ngthu ä ngaiki cun kei na tüi lawkia ngthu ä ngaikia kyaki ni,” a ti.
Khyühkip la Hghngih hea Nghlat law bea Mawng
17 Acunüng, khyühkip la nghngihe jekyainak am nghlat law be u lü, “Bawipa aw, na ngming am khawyai he kami jah ksäta kba awmki he,” ti u se,
18 Jesuh naw, “Khawyam mkeka kba khankhaw üngka naw kya law se ka hmuh. 19 10:19: Sal 91:13“Ngai u, kphyukse he, jawngk’ai hea khana ngleheinak la, ye he jah nängnaka khyaihnak ka ning jah peki, i naw am ning jah lembawisak khai. 20 “Cunsepi khawyai he nami ti tia ami awma phäha ä jekyai ua; khankhawa nami ngming he angyuka phäha jekyai ua,” a ti.
Jesuh Jekyaiki
(Mt 11:25-27; 13:16-17)
21 Acunüng, Jesuh Ngmüimkhya Ngcim üng† 10:21 Ngmüimkhya Ngcim üngavang naw Ngmüimkhya üng, avang naw Ngmüimkhya naw tia ami yuk. jekyainak am be lü, “Mce la khankhaw Bawipa, ka Pa aw! khyang ktheme la ngtheingthangki hea veia hina ngthu mjih lü, ä ngtheingthangki hea veia na ngdangsaka phäha ning jekyai na veng; ka Pa aw, acun cun na ngaiha dawki ni. 22 10:22: Jn 3:35; Jn 10:15“Ka Pa naw ahmäi na pe pängki. Capa u ni ti cun Pa dänga thea u naw am ksing; Pa u ni ti cun Capa la Capa naw a xüa khyang hea thea u naw am ksing thei u,” a ti. 23 Acunüng, Jesuh axüisaw hea veia nghlat lü, anghmüa, “Atuh hmuh vai he nami jah hmuki he nami jo sen ve; 24 “Ka ning jah mthehki, sahma khawjah la, sangpuxang khawjah naw, nami jah hmuh la nami jah ngjak he, hmu hlü u lü ngja hlü kyawki he, am hmu u lü am ngja hlawt u,” a ti.
Samarih Khyang Kdaw am Msuimcäpnak
25 10:25-28: Mt 22:35-40; Mk 12:28-34Acunüng, thumksing mat naw Jesuh a mhnüteinak am, “Saja aw, anglät xünnak ka yahnak vaia i ni ka pawh kawm?” ti se,
26 Jesuh naw, “Cangcim üng i ng’yu se, ihawkba na ksingki ni?” a ti.
27 10:27: Deut 6:5; Lev 19:18 Ani naw, “Bawipa na Pamhnam cun na mlungmthin avan, na xünnak avan, na kyannak avan la, na ngaikyunak avan am na jawngnak vai, acunüng na impeiloceng namäta kba na jawngnak vai’ tia awmki,” a ti.
29 Acunüng, acuna khyang naw ngnäng khaia bü lü, Jesuh üng, “Acunüng ka impeiloceng he ta u he ni?” a ti.
30 Jesuh naw msang lü, “Khyang mat Jerusalem üngka naw Jerikhoa ju cit khai sü, khyang m'yuk’eie jah sawngei msawk se, acun he naw a suisak jah suh pe u lü, thi khyo khaia kpaiki he naw ami ceh tak. 31 “Acunüng, ktaiyü mat, acuna lam bä üng citki naw, a hmuh la lam kpema ngpeng lü a ceh tak. 32 “Acukba bäa, Levih khyang mat pi acuna hmun pha law lü, a hmuh la lam kpema ngpeng lü citeiki. 33 10:33,34 2Khro 28:15“Cunsepi, Samarih khyang mat a kdungnak lama, acuna awmnak pha law hngaki naw, a hmuh la m'yenei leng leng lü, 34 a veia va cit lü, a nghma üng situi la capyitui am jah bui lü, hlawpki naw, amäta sangnghngaksaü üng taih lü, khin ima cehpüiki naw, a msümcei. 35 “A ngawi üng, denarih tangka nghngih, khin im ngängki üng pe hüt lü, ‘Ana msümceia, hina thea pi na bäihnak, avan pi ka nghlat law be üng ning thung be kawng’ a ti.
36 “Acuna kthum he üng m'yuk’eie jah sawngeikia khyanga khana impei locenga kba biloki cun ua ni na ngaih?” ti se,
37 Thumksing naw, “M'yeneinak taki cen” a ti. Acunüng Jesuh naw, “Nang pi acunkba va pawha,” a ti.
Jesuh Matah la Mariha Ima citki
38 10:38,39 Jn 11:1Acunüng, Jesuh la axüisaw he ami ceh lama ngnam mat üng lut u se, acuia a ngming Matah naki naw a na khinak. 39 Acuna, nghnumia hnunpüi Marih naki nghnumica mat awmki. Acuna nghnumica cun Jesuha khaw kunga ngthu ngai lü ngawki. 40 Acunüng, Matah cun khüi lü am ngbüneiki, Jesuha veia law lü, “Bawipa aw, ka na naw ka mät däng ka khüi khaia ana yawkin hin na dawsaki aw? Na kpüi law khaia mtheha,” a ti.
41 Acunüng Jesuh naw, “Matah, Matah, aktäa ngaikyu lü bawngbai veki; 42 “Cunsepi, aktung mat däng awmki. Marih naw akdaw xüei ve, acun cun u naw pi yuhei hlawt vaia am kya ve,” ti lü a msang.
*10:1 10:1 khyühkip la nghngih; avang üng khyükip tia ami yuk.
10:2 10:2 Mt 9:37,38
10:3 10:3 Mt 10:16
10:4 10:4-11: Mt 10:7-14; Mk 6:8-11; Lk 9:3-5
10:7 10:7: 1Kor 9:14; 1Tim 5:18
10:10 10:10,11: Ngs 13:51
10:12 10:12: Gen 19:24-28; Mt 11:24; 10:15
10:13 10:13: Hesa 23:1-18; Hez 26:1—28:26; Jol 3:4-8; Amo 1:9,10; Zakh 9:2-4
10:15 10:15: Hesa 14:13-15
10:16 10:16:Mt 10:40; Mk 9:37; Lk 9:48; Jn 13:20
10:19 10:19: Sal 91:13
†10:21 10:21 Ngmüimkhya Ngcim üngavang naw Ngmüimkhya üng, avang naw Ngmüimkhya naw tia ami yuk.
10:22 10:22: Jn 3:35; Jn 10:15
10:25 10:25-28: Mt 22:35-40; Mk 12:28-34
10:27 10:27: Deut 6:5; Lev 19:18
10:28 10:28: Lev 18:5
10:33 10:33,34 2Khro 28:15
10:38 10:38,39 Jn 11:1