La Bu.
82.
Van'a thutanna chunga Pathen in vai ahomin Van mite chunga athutan na aphondoh e. 
Nangman itihchan hi miphalouho napanpia thudihlou ho nachelhah sah dingham? 
Chaga leh vaichate chungah thudih chepin lang; tahlel tele engbolla umte chungah thudih phongdoh in. 
Panpi bei tele engbolla umte huhdoh in, miphalouho khut a konin huhdoh-in. 
Hinla mibolse ten imacha ahepouve; ama hokhu hetna lhasam ahiuve. Muthim noi a avah leuvin, liset sungil lamgei in ahotling tai. 
Keiman kasei in, ‘Naho pathen nahiuve; nangho hatchungnung chilhah te nahiu ve. 
Hinlah nangho mihem mai mai banga nathi diu, thunei vaihom dang ho banga nalhuh thou thou diu ahi.’” 
Hung kipatin, O Pathen vannoi leiset hi athu tannin, ajeh chu chiding namdangho jouse jonghi aboncha nanga ahi.