SAM.
87.
Kathutkung: Korah capanaw Khopui teh mon ka thoung dawk a kangdue sak. 
Jakop khosaknae pueng hlak hai BAWIPA ni Zion longkha a lungpatawhnawn. 
Oe Cathut e khopui, na kong heh ka sungren poung lah ouk a dei awh. Selah. 
Na kapanueknaw koe Rahab hoi Babilon kong hah ka dei han. Khenhaw! Oe Filistin hoi Taire, Ethiopia, hetheh, haw hoi ka tâcawt e doeh ati awh han. 
Zion kong dawk hettelah a dei awh han. Het hoi hot teh ama dawk hoi ka tâcawt e doeh. Lathueng Poung ni a ma teh, a caksak telah ati awh han. 
BAWIPA ni tami pueng min a thut toteh, hethateh, haw e ka tâcawt e doeh telah mitnout a ta awh han. 
La kasaknaw hoi tumkhawng kakhawngnaw ni, tuiphuek pueng nang koe ao telah ati awh han.