1 Mamin Jehová, Rey ach toni. Nivan chequel a b'inajnaquil yed' a poder. Tzatz ix utej em c'ojan yolyib'an̈q'uinal tic, yuj chi' max ib'xilaj.

2 Mamin Jehová, atax d'a yichb'anil Yajal achtaxoni. Toxonton ayach eq'ui.

3 Mamin Jehová, a a' mar tz'ib'xi a', sq'uepax chulnaj a'.

4 A achxo pax Mamin Jehová, Yajal ach d'a satchaan̈, ec'al ach d'a juntzan̈ a a' chi'. Ec'to a poder d'a a' mar chi'.

5 Mamin Jehová, a a checnab'il ayn̈ej ec' d'a juneln̈ej. A a cajnub' nivan yelc'ochi yujto icn̈ej yaj d'a masanil tiempo.