1 Lon ewe ier, lupwen ewe king Ussia a mäla, üa küna ewe Samol, a mot won eu lenien motun king mi fokun tekia, nge lepwülün üfan a aurala lon ewe imwenfel. ✡ 2.King 15.7; 2.Kron 26.23 2 Serafim ra ütä pwelin ünükün, nge eman me eman leir a wor wonofoch pöükässin. Ruofoch ra pwölü ngeni won meser, ruofoch ngeni pecher, nge ruofoch ra äs won. 3 Iwe, ra kökköfengen lefiler,

4 Iwe, longolongun asamalapen ewe imwenfel a chechech ren osen ar kökkö, nge lon ewe imwenfel a ur ren ötüöt. 5 Iwe, üa apasa, “Feiengauei, üpwe mäla, pun ngang eman mwän mi tipis ren ekewe kapas üa apasa ren tinawei, üa pwal imweimw lein aramas mi tipis ren ar kewe kapas ra apasa ren tinawer. Nge mesei a küna ewe King, ewe Samol mi Unusen Manaman.”

6 Mürin, eman lein ekewe Serafim a ässito rei, nge a amwöchü lepöün eföü molien ekkei a angei won efoch achip seni won ewe rongen asor. 7 Iwe, a chüri ngeni awei o apasa, “Nengeni, ei moli a tori tinawom, iei om pupungau a la, nge om tipis ra musala.” 8 Mürin, üa rong mwelien ewe Samol mi Lapalap a apasa, “Iö üpwe tini, nge iö epwe ach chon künö? Nge üa pälüeni, “Ngang üa mochen, kopwe tiniei.” 9 Iwe, Kot a üreniei, “Kopwe feila o aronga ngeni ekei aramas, ‘Oupwe aü selingemi o rongorong, nge ousap wewe ren. Oupwe nenengeni, nge ousap küna och.’ 10 Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.” ✡ Mat 13.14-15; Mark 4.12; Luk 8.10; Joh 12.40; Föf 28.26-27 11 Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön. 12 Ngang üpwe tinala ekewe aramas toau seni fanüer o föri pwe unusen ewe fanü epwe pön. 13 Iwe, are eu leengol seni ekewe aramas repwe nomotiu, pwal ir repwe küna feiengau. Chon Israel repwe usun chök efoch irä ook a pöküpök, nge popun chök a nom. Iwe, ekewe mwirimwirin chon Israel mi pin, ir ewe popun.