1 Ousipwe mwareiti ewe Samol mi Lapalap.

Oupwe eäni ngeni ewe Samol mi Lapalap echö köl mi fö,

oupwe kölün mwareiti i me lon ewe mwichen chon allükülük.

2 Chon Israel repwe pwapwa ren ewe chon föriir.

Ekewe aramasen Sion repwe mwänek ren ar king.

3 Repwe mwareiti itan fän pworuk

o köl ngeni fän pisekin kaktai me ükülele.

4 Pun ewe Samol mi Lapalap a pwapwaäsini nöün aramas,

a alinga ekewe chon tipetekison ren win.

5 Ekewe chon pin repwe meseik lon ling,

repwe köl fän pwapwa lon kier kewe.

6 Kapasen mwareiti Kot fän leüömong epwe nom lon awer,

nge ekewe ketilas mi seisei me rüepek repwe nom lon pöür,

7 pwe repwe ngeni chon ekewe mwü chappen ar föför

o apwüngü ekewe aramas.

8 Repwe föti ar kewe king ren sein,

nge ar kewe aramas tekia ren selimächä,

9 pun repwe eäni apwüng wor usun Kot a fen allük.

Ren ei nöün kewe mi pin meinisin ra ling ren.

Ousipwe mwareiti ewe Samol mi Lapalap.