KÖLFEL.
125.
Echö kölün feitä. Chokewe mi apilükülükü ewe Samol mi Lapalap ra usun chök ewe chuk Sion, esap tongeni mwökütüküt, nge epwe chök nonom tori feilfeilachök. 
Usun ekewe chuk ra nom pwelin ünükün Jerusalem, iei usun ewe Samol mi Lapalap a nom pwelin ünükün nöün aramas seni ei fansoun tori feilfeilachök. 
Än ekewe aramasangau nemenem esap nonomopos won ewe fanü mi inet ngeni ekewe chon pwüng, pun mürin, ekewe chon pwüng repwe pwal föri mine a ngau. 
Ai Samol mi Lapalap, kopwe föri mine a mürina ngeni chokewe mi föri mine a mürina, pwal ngeni chokewe mi wenechar lon leluker. 
Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.