Godigo Nogi Ugwaba Sabo Tęąbi Po Wabo Buku Dabe.
93.
Genuai Bidi king bidibao. Agai genuai nogi mu elalubao, tama genuai bomo me elalubo. Agai e tǫ te aga bidibo pesagede bomo elama, mu elalumainu yai dao. 
Genuai Bidi, te tigidali nai me pedalisąbadi, nage bidali. Nage sesemane bidada peyu, bidada pali, tama nage te king sesemane bidada peyu, bidada pabo dao. 
Genuai Bidi, tamu ąį ge bo dali aiyanu mu igulali, te kulukulu umabo mu waibao. Te bomonama, mu kulukulu wabo dao. 
Genuai Bidi, te nago genuai bomogo nago te dagalude tigidali nai tonalubao. Te tamu ąįgo kulukulu wabo bomo te dwasianu naga ebao. Tiali goli, nago bomo te genuai mu elalubao. Te tamu ąį dini peda peyu, te nambisde bomonama kulukulu wabo, tiali goli, te ąį dini dabego bomo te nago bomo dali tiwai si me usugobeo. 
Te nago tigidali bomai po te sesemane elalua peyu, elalua pobao. Mu tama, Genuai Bidi, te nago tempel be te tedali wiegi yai sesemane elalubo dao.