Godigo Nogi Ugwaba Sabo Tęąbi Po Wabo Buku Dabe.
131.
Genuai Bidi, eno te hagoma yali kolesaga tagalama, tama eno te ena digi te nogi ugwaba me sabeo. Eno te genuai nai dabede homu kone me isiąma, tama te eno konesiąwai nai dabede me eno homu kone me ebo menio. 
Tiali goli, ena te bugagia duagulama, tama ena homu dua tegaluai. Ena te wai bǫų aga idago nogode digi pagealubo tiwai elalubao. Tama tiwai naga, eno haliga me te dua digi elalubao. 
Te Israel dabe, dagego konealubo homu Genuai Bidiba muiyąo, megi me, tigidali sogo nosali me, te tama tiao.