1 ታናዳን ኣማኒያዋንቶ፥ ታኒ ሂንቴንቶ ኦዴዳ ሚሺራቹዋ ቃላ ሂንቴ ኣኬዳዋኔ ቃሲ ሂንቴ ኣማኑ ኣኒ ኤቄዳዋ ሂንቴንታ ቆፔꬃይ። 2 ሂንቴንቱ ኣማኑ ሜላ ጊዳና ꬋዮፔ፥ ቃሲ ታኒ ሂንቴንቶ ኦዴዳ ቃላ ሎይꬂ ኦይቆፔ፥ ሂንቴ ሄ ሚሺራቹዋ ቃላን ኣቴዲታ።

3 ኣዪሲ ጎፔ፥ ታኒ ቃሲ ኣኬዳዋ ኡባባፔ ኣꬊዴ ኮሺያዋ ካሴታዴ ሂንቴንቱሲ ኢማዲ። ሄዌ ኣዬ ጎፔ፥ ፆሳ ማፃፋይ ጊያዋዳን፥ ኪሪስቶሲ ኑ ናጋራ ዲራው ኢሳ 53፡5-12 4 ሃይቂዴ ሞጌቴዳ። ፆሳ ማፃፋይ ጊያዋዳንካ፥ ሄዜንꬂያ ጋላሲ ሃይቁዋፔ ማዝ 16፡8-10፤ ማት 12፡40፤ ኪት 2፡24-32 5 ዴንዲዴ፥ ጴፂሮሳው ቆንጬዳ። ሄዋፔ ጉዪያን፥ ባሬ ኪቴዳ ታማኔ ላዓቶ ቆንጬዳ። ማት 28፡16-17፤ ማር 16፡14፤ ሉቅ 24፡34፣ 36፤ ዮህ 20፡19 6 ሄዋፔ ጉዪያን፥ ኢቼሹ ፄቱዋፔ ዳሪያ ባሬና ካሊያ ኣሳው ኢቲ ካላ ቆንጬዳ። ኡንቱንቱፔ ዳሪያ ባጋይ ሃኖ ጋካናሲካ ፓፃ ዴዒኖ፤ ሺን ኣማሬዳዋንቱ ሃይቄዲኖ። 7 ሄዋፔ ጉዪያን፥ ያዪቆባው ቆንጬዳ፤ ጉዬፔ ባሬ ኪቴዳ ኡባቶ ቆንጬዳ።

8 ቃሲ ኡባፔ ዉርሴꬃን፥ ዎዲ ጋኬናን ዬሌቴዳ ታዉካ ቆንጬዳ። ኪት 9፡3-6 9 ኣዪሲ ጎፔ፥ ዬሱሲ ኪቴዳ ኡባፔ ታኒ ላፋ፤ ታኒ ፆሳ ዎሳ ጎሊያ ዋዪሴዳ ዲራው፥ ዬሱሲ ኪቴዳዋ ጌቴታዴ ፄሴታናዉካ ቤሲኬ። 10 ሺን ፆሳ ኣꬎ ኬካቴꬃን ታኒ ታናካ። ቃሲ ታው ኢ ኢሜዳ ኣꬎ ኬካቴꬃይ ሜላ ጊዲቤና፤ ሺን ታኒ ኡንቱንታ ኡባፔ ኣꬃዴ ኦꬃዲ። ሺን ታናና ዴዒያ ፆሳ ኣꬎ ኬካቴꬃይ ኦꬄዳፔ ኣቲን፥ ታና ጊዲኬ። 11 ሲሚ ታና ጊዶፔካ፥ ዎይ ኡንቱንታ ጊዶፔካ፥ ኑኒ ኡባይ ኦዲያዌ ሃዋ፤ ሂንቴንቱካ ሃዋ ኣማኔዲታ።

12 ኪሪስቶሲ ሃይቁዋፔ ዴንዴዳዋ ኦዲያዋ ጊዶፔ፥ ሂንቴንቱፔ ኢቲ ኢቲ ኣሳቱ ያቲና ዎቲዴ፥ «ሃይቄዳ ኣሳይ ሃይቁዋፔ ዴንዴና» ያጊኖ? 13 ሃይቄዳ ኡራይ ሃይቁዋፔ ዴንዲቤናዋ ጊዶፔ፥ ያቲና ሄኮ ኪሪስቶሲካ ሃይቁዋፔ ዴንዲቤና ጊያዋ። 14 ኪሪስቶሲ ሃይቁዋፔ ዴንዲቤናዋ ጊዶፔ፥ ያቲና ኑኒ ኦዲያዌካ ሜላ፤ ቃሲ ሂንቴ ኣማኑካ ሜላ። 15 ቃሲ ኑኒ፥ «ኪሪስቶሳ ሃይቁዋፔ ዴንꬄዳ» ያጊዴ ፆሳባ ማርካቴዳ ዲራው፥ ኣ ዎርዶ ማርካቱዋ ጊዲዴ ቤቴዶ። ሺን ሃይቄዳዋንታ ሃይቁዋፔ ኢ ዴንꬂቤናዋ ጊዶፔ፥ ኪሪስቶሳካ ዴንꬂቤና። 16 ኣዪሲ ጎፔ፥ ሃይቄዳዋንቱ ሃይቁዋፔ ዴንዴናዋ ጊዶፔ፥ ሲሚ ኪሪስቶሲካ ዴንዲቤና። 17 ኪሪስቶሲ ሃይቁዋፔ ዴንዲቤናዋ ጊዶፔ፥ ሂንቴ ኣማኑካ ሜላ፤ ቃሲ ሂንቴ ሃዋ ጋካናዉካ ናጋራና ዴዒታ። 18 ሲሚ ኪሪስቶሳ ኣማኒዴ ሃይቄዳዋንቱካ ቃሲ ꬋዬዲኖ ጊያዋ። 19 ኑኒ ሃ ዴዑዋ ፃላላው ኪሪስቶሳን ሂዶቴዳ * ሂዶታ፡ ኪሪስቶሳን ኑ ዎꬄዳ ኑ ኡባ ሂዶታይ፥ ሃ ኣላሚያን ዴዑዋሳ ጊዶፔ፥ ሃ ኣላሚያን ዴዒያ ሃራ ኣሳቱዋ ኡባፔካ ኑባይ ኣꬊዴ ኢታ፥ ጉሳ። ጊዶፔ፥ ሃ ኣላሚያን ዴዒያ ኣሳ ኡባፔካ ኑባይ ሎዔና።

20 ሺን ኪሪስቶሲ ሃይቄዳዋንቱ ዴንዱዋሲ ባይራ ጊዲዴ፥ ሃይቁዋፔ ዴንዴዳዌ ቱማ። 21 ኣዪሲ ጎፔ፥ ሃይቁ ኢቲ ኣሳ ባጋና ሃ ኣላሚያ ዬዳ፥ ሃይቄዳዋንቱ ዴንዱካ ቃሲ ኢቲ ኣሳ ባጋና ዬዳ። 22 ኣዪሲ ጎፔ፥ ኣሳይ ኡባይ ኣዳማና ኢቲፔቴꬃ ሜꬌዳ ዲራው ሃይቄዳዋዳን፥ ኪሪስቶሳና ኢቲፔቴꬃ ሜꬌዳ ዲራው፥ ኡባይ ዴዑዋሲ ዴንዳና። 23 ሺን ኡባይካ ባሬ ካላን ካላን ዴንዳና። ኪሪስቶሲ ኡባፔ ካሴቲዴ ዴንዴዳ፤ ሄዋፔ ጉዪያን፥ ኪሪስቶሳዋንቱ ኪሪስቶሲ ዪያ ዎዴ ዴንዳና።

24 ሄዋፔ ጉዪያን፥ ኪሪስቶሲ ማታ ኡባ፥ ጎዳቴꬃ ኡባኔ ዎሊቃ ኡባ ꬋዪሲዴ፥ ፆሳው ባሬ ኣቦ ካዉቴꬃ ኢሚያ ዎዴ፥ ዎዲያ ዉርሴꬃይ ያናዋ። 25 ኣዪሲ ጎፔ፥ ፆሳይ ኣ ሞርኬቱዋ ኡባ ኣ ጌዲያፔ ጋርሳና ዎꬃና ጋካናው፥ ኪሪስቶሲ ሞዳናው ቤሴ። ማዝ 110፡1 26 ኡባፔ ዉርሴꬃን ꬋዪዴ ዴዒያ ሞርኪ ሃይቁዋ። 27 ኣዪሲ ጎፔ፥ ፆሳ ማፃፋይ፥ «ፆሳይ ኡባባ ኣ ጌዲያፔ ጋርሳና ዎꬂዴ ሞዲሴዳ» ያጌ። ሺን ኡባባ ኣ ጌዲያፔ ጋርሳና ዎꬂዴ ሞዲሴዳ ጊያ ዎዴ፥ ኡባባ ኦꬄዳ ፆሳፔ ኣቲን፥ ዮኮ ኡባይ ሞዴቴዳ ጊያዌ ቆንጬ። ማዝ 8፡6 28 ሺን ኡባባይ ኪሪስቶሳው ሞዴቴዳዋፔ ጉዪያን፥ ኪሪስቶሲ ቃሲ ባሬ ሁጴው ኡባባ ባሬና ሞዲሴዳ ፆሳው ሞዴታና። ፆሳይ ቃሲ ኡባባ ዉርሲዴ ሞዳና።

29 ሄዋ ጊዳና ꬋዮፔ፥ ሃይቄዳዋንቱ ኮታ ፃማቄቲያዋንቱ ኣያ ኦꬂኖ? ሃይቄዳዋንቱ ኡባካ ዴንዴናዋ ጊዶፔ፥ ኣሳይ ሃይቄዳዋንቱ ኮታ ኣዪሲ ፃማቄቲ?

30 ያቲና፥ ኑኒ ኡባ ዎዴ ኣዪሲ ሃሳዬና ሜቱዋን ጌሌቶ? 31 ታናዳን ኣማኒያዋንቶ፥ ታኒ ኑ ጎዳ ኪሪስቶሳ ዬሱሳን ታው ዴዒያ ሂንቴናን ጬቄታዴ፥ ጋላሳን ጋላሳን ሃይቃይ። 32 ታኒ ኤፌሶኔን ኣሳ ቆፋዳን ዱዓና ባፄቴዳዌ ታና ኣያ ማዲ? ሺን ሃይቄዳዋንቱ ሃይቁዋፔ ዴንዴናዋ ጊዶፔ፥

33 ጪሜቶፒቴ፤ ኢታ ላጌቴꬃይ ሎዖ ሃኖታ ባዪዜ። 34 ፂሎቴꬃኮ ሲሚቴ። ናጋራ ኦꬆፒቴ። ሂንቴንቱፔ ኢቲ ኢቲ ኣሳይ ፆሳ ኤሬና፤ ታኒ ሃዋ ሂንቴንታ ዬላያናው ጋይ።

35 ሺን ኢቲ ኣሳይ፥ «ሃይቄዳ ኣሳይ ዋኒዴ ዴንዳኔ? ኡንቱንቱ ኣያ ማላ ቦላና ያኔ?» ያጌናን ኣጌና። 36 ኔኖ ኤያው፥ ኔኒ ጋዲያን ዜሪያ ዜሬꬃይ ሃይቄናን ሞኬና። 37 ኔኒ ዜሪያዌ ዛርጋ ጊዲና ዎይ ሃራ ቆሞ ካꬃ ጊዲና፥ ኣይፊያ ፃላላፔ ኣቲን፥ ላሚ ዶሊዴ ኬሲያዋ ጊዴና። 38 ሺን ፆሳይ ዜሬꬃው ባሬ ዶሴዳ ቦላ ኢሜ፤ ቃሲ ዜሬꬃ ኡባሲካ ሁጲያን ሁጲያን ኡንቱንቱ ቦላ ኢሜ። 39 ሜꬌታ ኡባ ኣሹ ኢቱዋ ጊዴና። ሺን ኣሳ ኣሹ ኢቱዋ፤ ሜሂያ ኣሹ ዱማ፤ ካፋቱዋ ኣሹካ ዱማ፤ ቃሲ ሞሊያ ኣሹካ ዱማ።

40 ቃሲ ሳሉዋ ኣሳቴꬃቱኔ ሳዓ ኣሳቴꬃቱ ዴዒኖ። ሺን ሳሉዋ ቦላ ቦንቹ ዱማ፤ ቃሲ ሳዓ ቦላ ቦንቹ ዱማ። 41 ኣዋይፊያሲ ኣ ሁጴ ቦንቹ ዴዔ። ኣጌናሲካ ኣ ሁጴ ቦንቹ ዴዔ። ቃሲ ፆሊንታቱዋሲካ ዱማ ቦንቹ ዴዔ፤ ኣያው ጎፔ፥ ኢቲ ፆሊንቲ ዮኮ ፆሊንቲያፔ ቦንቹዋን ዱማቴ።

42 ቃሲ ሃይቄዳዋንቱ ሃይቁዋፔ ዴንዲያ ዎዴ ሄዋዳን ሃናና፤ ሃይቂያ ቦላይ ሞጌቲዴ፥ ሃይቄና ቦላ ጊዲዴ ዴንዳና። 43 ቦላይ ቶሺያን ሞጌቲዴ፥ ቦንቹዋን ዴንዳና። ቃሲ ዳቡራን ሞጌቲዴ፥ ዎልቃን ዴንዳና። 44 ሜꬌታ ቦላይ ሞጌቲዴ፥ ጌሻ ኣያናን ካሌሴቲያ ቦላ ጊዲዴ ዴንዳና። ሜꬌታ ቦላይ ዴዖፔ፥ ቃሲ ጌሻ ኣያናን ካሌሴቲያ ቦላይካ ዴዔ።

45 ሃዋዳንካ፥ ቃሲ ፆሳ ማፃፋን፥ «ኮይሮ ቢታኒ፥ ኣዳሚ፥ ፓፃ ዴዒያ ኣሳ ጊዲዴ ሜꬌቴዳ» ያጌ። ሺን ዉርሴꬃ ኣዳሚ ዴዑዋ ኢሚያ ኣሳ ጊዴዳ። ዶም 2፡7 46 ሺን ሜꬌታ ኣሳይ ኮይሮ ዪና፥ ጌዶፔ ኣያና ኣሳይ ዬዳፔ ኣቲን፥ ኣያናዌ ኮይሮ ዪቤና። 47 ኮይሮ ኣዳሚ ቢታፔ ሜꬌቴዳ፤ ኢ ቢታፔ ሜꬌቴዳዋ። ላዔንꬁዋ ኣዳሚ ሳሉዋፔ ዬዳ። 48 ሃ ሳዓ ኣሳቱ ቢታፔ ሜꬌቴዳዋ ማላቲኖ። ቃሲ ሳሉዋ ኣሳቱ ሳሉዋፔ ዬዳዋ ማላቲኖ። 49 ኑኒ ቢታፔ ሜꬌቴዳዋ ማላ ማዬዳዋዳን፥ ሳሉዋፔ ዬዳዋ ማላካ ቃሲ ማያና።

50 ታናዳን ኣማኒያዋንቶ፥ ታኒ ጊያዌ ሃዋ፤ ኣሹኔ ሱꬃይ † ሃ ሳዓ ቦላ ዴዒዴ ኣሳይ ማዬዳ ኣሹዋኔ ሱꬃ፥ ጉሳይ ሃ ኣላሚያ ኣሳቴꬃ ጉሳ። ፆሳ ካዉቴꬃ ላታና ዳንዳዬና። ቃሲ ዎቂያዌ ዎቄናዋ ላቴና።

51-52 ሲሲቴ! ታኒ ሂንቴንቶ ኢቲባ ፁራይ። ኑኒ ኡባይ ሃይቆኮ። ሺን ዉርሴꬃ ፁሩምባይ ፑኔቲያ ዎዴ፥ ሊጴዳ ኣይፊ ፄላናሲ ዎዛና ኣꬄናን ላሜታና። ኣዪሲ ጎፔ፥ ፁሩምባይ ፑኔቲያ ዎዴ፥ ሃይቄዳ ኣሳይ ዎቄና ኣሳ ጊዲዴ ዴንዳና፤ ኑኒካ ላሜታና። 1ቴስ 4፡15-17 53 ኣዪሲ ጎፔ፥ ሃዌ ዎቂያዌ ዎቄናዋ ማያናው ቤሴ፤ ቃሲ ሃዌ ሃይቂያዌ ሃይቄናዋ ማያናው ቤሴ።

54 ሺን ሃዌ ዎቂያዌ ዎቄናዋ ማዪያ ዎዴ፥ ቃሲ ሃዌ ሃይቂያዌ ሃይቄናዋ ማዪያ ዎዴ፥ ሄ ዎዴ፥ ፆሳ ማፃፋይ፥

58 ታኒ ሲቂያ ታናዳን ኣማኒያዋንቶ፥ ሄዋ ዲራው፥ ቃፄናን ሚኒ ኤቂቴ። ሂንቴንቱ ዳቡራይ ጎዳ ባጋና ሜላ ጊዴናዋ ኤሪዴ፥ ኡባ ዎዴ ጎዳ ኦሱዋ ኣዛሌናን ኦꬂቴ።