1 ሲሚ ታናዳን ኣማኒያዋንቶ፥ ሂንቴ ሂንቴ ኦናቴꬃ ፆሳ ናሼቺያ ዴዖኔ ጌሻ ያርሹዋ ኡዲዴ፥ ፆሳው ሺሻናዳን፥ ታኒ ሂንቴንታ ፆሳ ማሮቴꬃን ዎሳይ፤ ፆሳው ሂንቴ ጎዪናናው ቤሲያ ቱሙ ኦጊ ሄዋ። 2 ፆሳይ ሂንቴ ቆፋ ኡባና ዱማዪዴ፥ ሂንቴንታ ላሞፔ ኣቲን፥ ሃ ኣላሚያ ኣሳ ማላቶፒቴ። ሄ ዎዴ ሂንቴ፥ ፆሳ ሼኒ፥ ሎዖባይ፥ ኣ ናሼቺያባይኔ ቃሲ ፖሎ ጊዴዳባይ ኣዬንቶ ኤራኒታ።

3 ፆሳይ ታው ኢሜዳ ኣꬎ ኬካቴꬃን ታኒ ሂንቴንቶ ኦዳይ። ሂንቴንቱ ቆፓናው ቤሲያዋፔ ኣꬂዴ፥ ኦቶሩዋን ቆፖፒቴ፤ ሄዋ ኣጊዴ፥ ዎዛናማ ኣሳዳን ቆፒቴ፤ ፆሳይ ሂንቴንቶ ሁጲያን ሁጲያን ኢሜዳ ኣማኑዋ ኬናን ሂንቴ ቦላ ፒርዲቴ። 4 ኑ ኢቲ ቦላ ጊዶን፥ ጮራ ቦላ ቆሞቱ ዴዒኖ፤ ሄ ቆሞቱዋ ኡባዉካ ዱማ ዱማ ኦሱ ዴዔ። 5 ሃዋዳን፥ ኑኒ ጮራ ኣሳ ጊዶፔካ፥ ኪሪስቶሳ ባጋና ኢቲ ኣሳ። ቃሲ ኑኒ ኢቲ ኣሳቴꬃ ቆሞቱዋዳን፥ ኢቱ ኢቱዋና ኦይቄቲ ኡቴዶ። 6 ፆሳይ ኑሲ ኢሜዳ ኣꬎ ኬካቴꬃን ዱማ ዱማ ኢሞታይ ዴዔ። ኑ ኢሞታይ ናቤቴꬃ ጊዶፔ፥ ኑሲ ዴዒያ ኣማኑዋ ኬና ኦዳናው ቤሴ። 7 ሃራቱዋ ማዱሳ ጊዶፔ፥ ሄ ኦሱዋን ሚናናው ቤሴ፤ ታማሪሱሳ ጊዶፔ፥ ሄ ታማሪሱዋን ሚናናው ቤሴ። 8 ሃራ ኣሳቱዋ ሚኒሱሳ ጊዶፔ፥ ሄ ኦሱዋን ሚናናው ቤሴ። ባሬ ሁጴው ዴዒያባፔ ሃራቱዋሲ ኢሚያ ኦኒኔ ዎዛናፔ ኢሞ። ማታይ ዴዒያ ኡራይ ሚኒሲ ኦꬃናው ቤሴ፤ ሃራቱዋሲ ኬኪያ ኡራይ ናሼቻን ኬካናው ቤሴ።

9 ሂንቴንቱ ሲቁ ኣሳ ቤሳናው ሲቄቲያዋ ጊዳናው ቤሴና። ኢታባ ኢፂቴ፤ ሎዖባ ሚኒሲዴ ኦይቂቴ። 10 ኢቱ ኢቱዋና ኢሻቱዋዳን ሲቄቲቴ፤ ኢቱ ኢቱዋ ቦንቺያዋን ናሼቲቴ። 11 ሚኒዴ ኦꬂቴ፤ ኣዛሎፒቴ፤ ሂንቴ ኩሜንꬃ ዎዛናፔ ጎዳው ኦꬂቴ። * ኩሜንꬃ ዎዛናፔ ጎዳው ኦꬂቴ፡ ጌሻ ኣያናኒ ካሌሴቲዴ ኪቴቲያዋንታ ጊዲቴ። 12 ፆሳይ ሂንቴንቶ ኢማና ጌዳዋን ናሼቲቴ፤ ዋዪያን ጌንጪቴ። ኡባ ዎዴ ፆሳ ዎሲቴ፤ 13 ፆሳ ኣሳቱዋ ኮሺያባን ማዲቴ፤ ኢማꬃ ሞኪቴ።

14 ሂንቴንታ ዬዴርሲያዋንታ ኣንጂቴ፤ ኡንቱንታ ኣንጂቴፔ ኣቲን፥ ሼቆፒቴ። 15 ናሼቲያዋንቱና ናሼቲቴ፤ ዬኪያዋንቱናካ ዬኪቴ። 16 ኣሳ ኡባው ኢቲ ማላ ቆፋ ቆፒቴ፤ ኦꬂያባን ኡባን ሂንቴንታ ቶቺዴ ዴዒቴፔ † ሂንቴንታ ቶቺዴ ዴዒቴ፡ ኣሺኬ ጊዲቴ ጉሳ። ኣቲን፥ ኦቶሬቶፒቴ፤ ሂንቴንታ ሂንቴሬካ ኣꬎ ኤራንቻ ጊዴ ቆፖፒቴ። ሌም 3፡7

17 ኦኒኔ ሂንቴንቶ ኢታባ ኦꬆፔ፥ ሄ ኡራው ኢታባ ኦꬂ ዛሮፒቴ፤ ኣሳ ኡባው ሎዖባ ኦꬃናው ቆፒቴ። 18 ኣሳ ኡባና ሳሮቴꬃን ዴዓናው፥ ሂንቴ ባጋና፥ ሂንቴንቶ ዳንዳዬቴዳባ ኡባ ኦꬂቴ። 19 ታናዳን ኣማኒያዋንቶ፥ ሂንቴ ሂንቴ ሁጴው ኣሳው ሃሉዋ ኬሶፒቴ። ፆሳይ ሃሉዋ ኬሳናዳን፥ ኣ ቦላ ኦሊቴ። ኣዪሲ ጎፔ፥ ፆሳ ማፃፋይ፥

20 ሺን ፆሳ ማፃፋይ፥

21 ኢታባ ሎዖባን ፆናፔ ኣቲን፥ ኢታባይ ኔና ፆኖፖ።