21
Lamatuaꞌ Yesus kota Yerusalem rala neu onaꞌ Maneꞌ
(Markus 11:1-11; Lukas 19:28-40; Yohanis 12:12-19)
1 Basa naa ma, Yesus se lao rakandoo losa kamboꞌ sa naran Betfage, sia lete Saitun sun.* Ara babꞌae leteꞌ naa naran ‘Saitun’, huu sia naa hambu osi hau hu saitun hetar. Ara biasa ee hau saitun boan fo hambu minan. Lete Saitun dodꞌoon, mbei ma kilo esa mia kota Yerusalem. Kamboꞌ naa deka no kota Yerusalem ena. Ara hahae mbei sia naa. Boe ma Ana denu mana tungga nara atahori rua reu raꞌahuluꞌ 2 Ana parenda se nae, “Ruꞌa nggi kamboꞌ naa mii. Mete ma hei rala mii, dei fo ama mita banda keledei ine no anan esa, nenepaꞌaꞌ sia naa. Hei mii sefi hendi tali nara fo lea mendi fee Au. 3 Te mete ma atahori ratane nggi rae, ‘Taꞌo bee de hei lea mendi atahori banda keledꞌein?’ Naa, ama mitaa mae, ‘Lamatuaꞌ nae pake. Mete ma Ana pake basa naa, dei fo haitua baliꞌ neuꞌ ena.’
4 Basa ia musi dadꞌi, tungga saa fo Lamatualain mana ola-olan sura memaꞌ ena oi,
5 ‘Wae, hei atahori Yerusalem ra e!† Susura Meumareꞌ dedꞌea Yunani nenesuraꞌ oi, “Sion ana feton”. Sion naa, naeni Yerusalem nara laen na. De sia ia, Sakaria randu atahori kota Yerusalem ra nendiꞌ dedꞌea naꞌus.
Ima, mete ia dei!
Te hei Mane ma nema ena.
Ana nema no rala naloe-nedꞌaeꞌ.
Ana nema sae keledꞌei anaꞌ.’ ”✡ Sakarias 9:9
6 Basa ma ana dedꞌenu nara reu, de tao tungga basa saa fo Yesus helu-fuli neu se. 7 Ara lea rendi keledei ine no anan fee neu Yesus. Ara bela lafe nara, de Ana sae fo nae kota Yerusalem rala neu. 8 Leleꞌ ara rae kota rala reu boe, atahori hetar haꞌi lafe ma salendan nara, de bela neu dalaꞌ. Hambu ruma reu tati palma roon‡ Mateos susura fefeun nae ‘danaꞌ re’. Te tahine mia Yohanis 12:13 oi palma roon. de bela neu dalaꞌ taladꞌan. No taꞌo naa, ara tao tatandaꞌ rae, sira soru E onaꞌ atahori moko-monaen. 9 Boe ma atahori ruma laoꞌ raꞌahuluꞌ Yesus, ma ruma tungga-tungga dea. Ara randu randaa rae,
“Hosana! Hai koa-kio Lamatualain!§ Sira dedꞌea Aram nae ‘Hosana’. Sosoan dalahulun nae, ‘ana fee atahori rasodꞌa’. Leleꞌ Lamatuaꞌ Yesus feꞌe nasodꞌa mia raefafoꞌ ia, dedꞌea-oꞌolaꞌ naa, ara koa-kio rendiꞌ neu Lamatualain.
Huu Daud tititi-nononosin nema ena!
Hosana! Hai koa-kio Lamatualain!
Huu Lamatuaꞌ denu Atahori ia nema ena.
Hosana! Hai koa-kio Lamatualain!
Huu Lamatuaꞌ endoꞌ parenda memaꞌ sia lalai mamana naruꞌ ata!”✡ Sosodꞌat Koa-kioꞌ ra 118:26
10 Leleꞌ Yesus Yerusalem rala neu no rarameꞌ naa, ma basa kota isin dea reu ratatane rae, “Awii! Mana nemaꞌ ia, seka?”
11 Atahori hetar rataa rae, “Eni ia, Lamatualain mana ola-olan. Naran Yesus, atahori Nasaret, mia profinsi Galilea,”
Lamatuaꞌ Yesus nisiꞌ Ume Hule-oꞌe Huuꞌ a rala neu de ofe lenggu-babꞌara hendi neseoꞌ mana sia naa
(Markus 11:15-19; Lukas 19:45-48; Yohanis 2:13-22)
12 Basa ma Yesus se lao rakandoo, de lao risiꞌ Lamatualain Ume Hule-oꞌe Huu na rala reu. Sia Ume Hule-oꞌeꞌ a sodꞌan, atahori tao dadꞌi neu pasar de raseoꞌ mbui lunda fo atahori tao rendiꞌ neu tutunu-hohotuꞌ soaꞌ neu hule-oꞌeꞌ a. Yesus nita taꞌo naa ma, neu oi hendi se dea reu. Ana mbesiꞌ leꞌa-nggari hendi mei-mei fo ara tukar rendiꞌ neu doiꞌ, ma mbesiꞌ naꞌalelenggaꞌ banggu fo ara raseoꞌ rendiꞌ neu mbuiꞌ ra. 13 Boe ma Ana nafadꞌe se nae, “Lamatualain mana ola-olan suraꞌ hela oi,
‘Au ufefela Ume ia
fo atahori rema hule-oꞌe sia ia.’
Lamatuaꞌ masud na taꞌo naa, te hei tao Ume ia dadꞌi rambok ra mamana neꞌebꞌuen!”✡ Yesaya 56:7; Yermia 7:11
14 Basa ma atahori pokeꞌ no atahori kekoꞌ ra rema risiꞌ Yesus sia Lamatualain Ume Hule-oꞌe na. Boe ma Ana naꞌahahaiꞌ basa se. 15 Malangga agama Yahudi ra malangga nara ro meser agama ra o sia naa boe. Leleꞌ ara rita Yesus tao onaꞌ naa ma, ara ramanasa. Lelenan fai, leleꞌ ara rena ana kara randu ona esaꞌ sia Ume Hule-oꞌe a rae,
Hosana! Hai koa-kio Lamatualain!
Huu mane Daud tititi-nonosin nema ena!”
16 Basa naa ma, malangga ra rafadꞌe Yesus rae, “Weh! Ho rena anaꞌ naa ra oꞌola nara, do? Naa nda ndaa sa!”
Te Yesus nataa se nae, “Hei, Au rena. Te taꞌo bee? Hei nda feꞌe baca mita Lamatualain Susura Meumaren soꞌal ana mana koa-kio Lamatualain sa, do? Sia naa nenesuraꞌ oi,
‘Lamatualain sadꞌia memaꞌ ana mana bonggi feuꞌ no anadꞌikiꞌ,
fo ara koa-kio E.’ ”✡ Sosodꞌat Koa-kioꞌ ra 8:3
17 Basa ma, Yesus se lao hela kota naa, de reu sungguꞌ sia kambo Betania.
Lamatuaꞌ Yesus parenda hau huuꞌ sa sudꞌi nabꞌoa fai
(Markus 11:12-14, 20-24)
18 Mbilaꞌ neu feꞌe fefetu anan, ma Yesus se lao fai risiꞌ kota Yerusalem rala reu. Te sia dalaꞌ taladꞌan ma, Ana ndoe. 19 Ana nita hau huuꞌ sa sia dalaꞌ suun fo atahori biasa ra boan.* Dedꞌea Indonesia oi ‘pohon ara’ mia dedꞌea Yunani sukai. Te Lamatualain Susura Meumaren natudꞌu hau huuꞌ esa sia naa fo atahori biasa sela, ma raa boan. Sia Indonesia seriꞌ rulu, atahori nda raa (hau kaaꞌ) boan sa. Dadꞌi ‘pohon ara’ sia Lamatualain susura Meumaren, nda onaꞌ hita hau kan mana sia ia sa. Dadꞌi Ana neu deka-deka hau huuꞌ naa, nae mete sobꞌa mabꞌoaꞌ, do hokoꞌ. Te leleꞌ Ana losa hau huuꞌ naa, nda nita boaꞌ esa saa boe, te nitaꞌ a roon. Boe ma Ana olaꞌ neu hau huuꞌ naa nae, “Huu nda mubꞌoa fee Au sa, de sudꞌi mubꞌoa leo!” Ana olaꞌ basa ma, hau huuꞌ naa o meto neuꞌ ena boe.
20 Ana mana tungga nara rita onaꞌ naa ma, ara nggengger. Ara ratane rae, “Taꞌo bee de hie-hieꞌ ma hau huuꞌ ia meto neuꞌ ena?
21 Boe ma Ana nataa nae, “Rena malolole, e! Mete ma hei mimihere tebꞌe-tebꞌeꞌ neu Lamatuaꞌ, ma rala mara nda babꞌanggi mbei sa boe, na hei bisa tao malaꞌ onaꞌ Au tao alaꞌ ra ena. Hei o bisa tao malaꞌ lenaꞌ naa fai. Onaꞌ a: Hei bisa parenda mala leteꞌ sa laliꞌ tasi neu. Neꞌo Lamatualain fee leteꞌ naa lali neuꞌ ena, sadꞌi hei mimihere tebꞌe-tebꞌeꞌ neu E!✡ Mateos 17:20; 1 Korintus 13:2 22 Huu basa dalaꞌ fo hei moꞌe sia Lamatualain, dei fo ama simbo, sadꞌi mimihere tebꞌe-tebꞌeꞌ neu e.”
Malangga ra raselu-bale soꞌal Lamatuaꞌ Yesus hak na
(Markus 11:27-33; Lukas 20:1-8)
23 Basa ma Yesus se lao rakandoo. Losa Yerusalem, ara rala reu risi Ume Hule-oꞌe Huuꞌ a sodꞌan fai. Leleꞌ Ana nanori Lamatualain dala masodꞌan, ma malangga agama Yahudi ra malangga nara, ro lasi-lasi adat ra reu ratane E rae, “Afis a seka mana denu nggo uma tao kaco mia ia? Seka mana fee nggo hak naa?”
24 Te Ana nahine ara sangga dalaꞌ fo rae raꞌatutudꞌaꞌ E. De Ana nataa mbali se nae, “Au o ae utane nggi. Hei mitaa Au dei, dei fo Au utaa nggi boe. 25 Au ae utane taꞌo ia: Basa hei mihine Yohanis, mana saraniꞌ naa, to? Naa, seka mana fee ne hak fo sarani atahori? Lamatualain do, atahori?” Boe ma ara duꞌa reu-rema, ma rala haraꞌ rae, “Aweꞌ! Hita neneteꞌe-sii ia, ma! Huu mete ma hita tataa tae, “Lamatualain mana fee ne hak’, dei fo Ana nataa nae, ‘Mete ma taꞌo naa, na taꞌo bee de hei nda mimihere Yohanis sa?’
26 Te hita o nda bisa olaꞌ tae, ‘Atahori mana fee ne hak’, te dei fo basa atahori ra ramue nggita. Huu ara ramahere rae, Yohanis naa, Lamatualain mana ola-olan.” 27 Naeni de rataa Yesus rae, “Hai nda mihine sa.”
Boe ma Yesus nataa se nae, “Naa! Mete ma taꞌo naa, na Au o nda parlu ufadꞌe ae seka mana fee hak naa neu Au sa boe.”
Lamatuaꞌ Yesus fee nekendandaaꞌ soꞌal amaꞌ esa no anan touꞌ rua
28 Yesus olaꞌ nakandoo no malangga naa ra nae, “Hei duꞌa taꞌo bee soꞌal nekendandaaꞌ ia? Hambu amaꞌ esa no anan touꞌ rua. Ana denu ana ulun nae, ‘Ana ngge! Faiꞌ ia, muu tao ues sia osi a dei.’
29 Te anaꞌ naa nataa nae, ‘Eeh! Au nda uu sa.’ Te nda dooꞌ sa ma ana fale ralan, de neu.† Susura Meumare dedꞌea Indonesia TB1 nda tungga susura dedꞌea Yunani mbaraaꞌ seli ma maloleꞌ seli a sa.
30 Basa ma, amaꞌ naa denu ana karuan nae, ‘Ana ngge! Faiꞌ ia, muu tao ues sia osi a dei.’
Boe ma anaꞌ naa nataa nae, ‘Ia amaꞌ. Dei fo au uu.’ Tao-tao te ana nda neu sa.”
31 Yesus dui basa ma, natane se nae, “Naa, Au ae utane taꞌo ia: mia ana karuaꞌ naa ra, bee ka mana tao tungga aman parendan?”
Boe ma ara rataa rae, “Ana uluꞌ a!”
Basa de Ana olaꞌ nae, “Hei. Te rena malolole, huu Au olaꞌ matetuꞌ. Atahori fo hei cap mae atahori nda papakeꞌ ra sa, onaꞌ mana edꞌa bea, ma ina dalaꞌ ra, dei fo ara masoꞌ raꞌahuluꞌ nggi risi Lamatualain umen rala. Huu hei akaꞌ miꞌihei-miꞌihuuꞌ neu Lamatuaꞌ, te nda tao tungga Hihii-nanaun sa. 32 Feꞌesaꞌan, Yohanis mana saraniꞌ a nanori neu nggi dalaꞌ taꞌo bee fo ama bisa misodꞌa no ndoo-tetuꞌ. Te hei nda nau mimihere e sa. Tao-tao te, leleꞌ atahori nda papakeꞌ ra sa rena Yohanis, ara lao hela sala-kilu nara, de tungga nenori-nefadꞌen. Hei o mita atahori naa ra ramahere Yohanis te hei nda nau mimihere e sa, fo miloeꞌ mia sala-kilu mara, fo tungga Lamatualain hihii-nanaun.✡ Lukas 3:12; 7:29-30
Lamatuaꞌ Yesus fee nekendandaaꞌ soꞌal atahori deꞌulakaꞌ mana tao osi anggor a
(Markus 12:1-12; Lukas 20:9-19)
33 Basa naa ma, Yesus dui nekendandaaꞌ esa fai nae, “Hambu tenu raeꞌ esa neu tao osi feuꞌ, fo nae sela hau anggor sia raen mbei. Boe ma ana lutu-mbaa rereoꞌ e. Boe ma ana tao bak fo nae ee boa anggor oen. Boe ma naririi mamana nanea naruꞌ esa. Basa ma ana fee atahori tao osin, fo ara banggi buna-bꞌoan neu rua ro eni. Boe ma ana lao nusa deaꞌ neu.✡ Yesaya 5:1-2
34 Losa fula-fai seu anggor boan, ma tenu osiꞌ a denu ana mana tungga nara reu sia mana tao osi a, fo roꞌe eni hahambun. 35 Te mana tao osi ra nda tao afiꞌ mbali ana mana tungga nara sa. Ruma hambu lima-eiꞌ, ruma nenetati nisaꞌ, ma ruma nenehonda-mbiaꞌ no fatu. 36 Te tenu osiꞌ a denu seluꞌ ana mana tungga nara nononggoꞌ esa hetar lenaꞌ fefeun. Te mana tao osi ra tao deꞌulaka onaꞌ naa neu basa se boe.
37 Doo-doo ma, tenu osiꞌ a denu ana bonggin. Huu ana duꞌa nae, ‘Mete ma au haitua ana bonggi ngga, neꞌo ara simbo no malole, ma rena e.’
38 Te leleꞌ mana tao osi ra rita anan, ma ara ola-olaꞌ rae, ‘We, hei mete dei! Tou lasiꞌ a haitua ana bonggin. Eni mana simbo basa toulasiꞌ a hata-heton. De ima fo ata tao tisa E leo, naa fo ata hambu osi ia.’ 39 Boe ma ara toꞌu rala anaꞌ naa, de lea rendi e nisiꞌ osi a deaꞌ fo tao risa e.”
40 Yesus dui basa ma, natane se nae, “Naa, Au ae utane taꞌo ia: mete ma tenuꞌ osiꞌ a baliꞌ ana tao taꞌo bee mbali mana tao osi ra?”
41 Basa ma, atahori Yahudi ra malangga nara rataa rae, “Neꞌo ana tao nisa basa atahori deꞌulakaꞌ naa ra. Basa naa, ana fee osi a neu atahori feaꞌ ra tao, fo nandaa no fula-fain, na banggi buna-bꞌoan.”
42 Basa de Yesus olaꞌ no se nae, “Mbei ma hei nda baca mita sia Lamatualain Susura Meumaren oi,
‘Hambu fatu esa mana tati fatu ra nggari hendi ena,
te ia na fatu naa dadꞌi neu ume a fatu netehun!
Lamatualain mana tengga nala, ma naꞌeꞌendo fatu naa.
Naa de ata tita e malolen seli!’ ”✡ Sosodꞌat Koa-kioꞌ ra 118:22-23
43 Basa ma Yesus tute oꞌolan nae, “Dadꞌi ama duꞌa matalolole, e. Dalahulun, Lamatuaꞌ tengga hita atahori Yahudi ra ia, fo dadꞌi atahorin. Te huu hei nda nau tao afiꞌ neu Au sa, dei fo Lamatuaꞌ tengga atahori feaꞌ ra. Huu akaꞌ atahori mana nasodꞌa tungga Eni Hihii-nanaun bisa dadꞌi Eni atahorin. 44 [Au ufadꞌe relo-relo ena. Au ia, naeni fatu netehuuꞌ naa. Atahori mana tudꞌa neu fatu ia, neꞌo atahori naa nambalulutu. Ma mete ma fatu naa tudꞌa dai atahori, neꞌo atahori naa dadꞌi afu neu ꞌena.]”‡ Susura dedꞌea Yunani ruma nda suraꞌ tatadꞌaꞌ ka haa nulu haan ia sa.
45 Leleꞌ malangga agama Yahudi ra malangga nara ro atahori Farisi ra rena Yesus dui taꞌo naa, ma ara rahine rae, Ana olaꞌ naa neu sira. Sira onaꞌ atahori mana tao osi naa ra, ma mana tati fatu mana nggari hendi fatu netehuuꞌ naa. 46 De ramanasa seli. Basa ma, ara sangga dalaꞌ fo rae humu E. Te ramatau atahori hetar huu ara rae Yesus naa, Lamatualain mana ola-olan. Naeni de ara nda rambarani tao saa-saa neu E sa boe.
*21:1 Ara babꞌae leteꞌ naa naran ‘Saitun’, huu sia naa hambu osi hau hu saitun hetar. Ara biasa ee hau saitun boan fo hambu minan. Lete Saitun dodꞌoon, mbei ma kilo esa mia kota Yerusalem.
†21:5 Susura Meumareꞌ dedꞌea Yunani nenesuraꞌ oi, “Sion ana feton”. Sion naa, naeni Yerusalem nara laen na. De sia ia, Sakaria randu atahori kota Yerusalem ra nendiꞌ dedꞌea naꞌus.
✡21:5 Sakarias 9:9
‡21:8 Mateos susura fefeun nae ‘danaꞌ re’. Te tahine mia Yohanis 12:13 oi palma roon.
§21:9 Sira dedꞌea Aram nae ‘Hosana’. Sosoan dalahulun nae, ‘ana fee atahori rasodꞌa’. Leleꞌ Lamatuaꞌ Yesus feꞌe nasodꞌa mia raefafoꞌ ia, dedꞌea-oꞌolaꞌ naa, ara koa-kio rendiꞌ neu Lamatualain.
✡21:9 Sosodꞌat Koa-kioꞌ ra 118:26
✡21:13 Yesaya 56:7; Yermia 7:11
✡21:16 Sosodꞌat Koa-kioꞌ ra 8:3
*21:19 Dedꞌea Indonesia oi ‘pohon ara’ mia dedꞌea Yunani sukai. Te Lamatualain Susura Meumaren natudꞌu hau huuꞌ esa sia naa fo atahori biasa sela, ma raa boan. Sia Indonesia seriꞌ rulu, atahori nda raa (hau kaaꞌ) boan sa. Dadꞌi ‘pohon ara’ sia Lamatualain susura Meumaren, nda onaꞌ hita hau kan mana sia ia sa.
✡21:21 Mateos 17:20; 1 Korintus 13:2
†21:29 Susura Meumare dedꞌea Indonesia TB1 nda tungga susura dedꞌea Yunani mbaraaꞌ seli ma maloleꞌ seli a sa.
✡21:33 Yesaya 5:1-2
✡21:42 Sosodꞌat Koa-kioꞌ ra 118:22-23
‡21:44 Susura dedꞌea Yunani ruma nda suraꞌ tatadꞌaꞌ ka haa nulu haan ia sa.