YƐSÃÃ.
54.
Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ bɛ̀ dìè nfɛ̀ kɛ bie ntibómbonti iwɛ̃ĩ kpɛti. 
Sifĩɛ̃bɛ do nɑ̀kɛ́ Sɑuri kɛ dɔ̀ Dɑfiti sɔ̀ri bɛ ciɛ kɛ̀ Dɑfitii dentɛ̀ fɛ̀. 
Áú Kuyie! N dɛɛtɛ́ ɑ yètìrì kpɛ́í, n kónnɛ́ kɛ́bɛnkɛ ɑ wɛ̃rímú. 
Kuyie nkéntɛ́ m bɑ́ɑmmìi, keè n yɛ̃ mmù. 
Bɛpɔ̀ɔ̀bɛ̀ bɛɛ̀ ìtɛ́ kɛ n dokùnɛ̀, kɛ̀ bɛnitiyonkubɛ dɔ́ kɛ́ n kuɔ, bɛ̀ í bɔti Kuyie nkpɛti. 
Kuyie nyó n teennɛ̀mu, n Yiɛ̀ nKuyie nyó nni nkpénkùnkoomu. 
Mɛyɛi ndo n dootitɔbɛ̀ ĩ́nkɛ̀, fɔ̃́ ntimɔ́mmɔnti yiɛ̀, kuɔ bɛ pɑ́íí. 
M bo dɑ pɑ̃ dipɑ̃nnì nɛ̀ n yɛ̀mmɛ̀ mɛmɔu, n Yiɛ̀ nKuyie m bo ndɛ́úkùnko ɑ yètìrì, ɑ wennimu. 
A n dɛɛtɛ́nɛ̀ mɛyɛǹcɑɑ̀rìmɛ̀ mɛmɔu ndi, kɛ̀ n yɑ̀ n dootitɔbɛ̀ domɛ̀.