1 Bala ŋayi Godthuny Noahnhany dhunupan gumurrkuŋalnha ga dälkuŋalnha ga gäthu'mirriŋuny walalany nhanŋu, bala ŋayi waŋanan bitjarrnha walalaŋgal, “Gatjuy dharrwan djamarrkuḻi'nhany mala-buŋu ŋini, ga nhumalaŋguŋuny dhu ga djamarrkuḻi mirithirra dharrwan nhina bawalamirriŋura wäŋaŋur-nydja, buku-ḻiw'maraman dhu ga nhinany walal dhiyal munatha'ŋurnydja. 2 Ŋula nhä malany warrakan bukmak ga ŋarirri dhu ga barrarirra nhuŋu. Ga ŋunhiyiny mala dhu nhokalnydja ganydjarrŋur ŋoyŋura.

3 Dhipuŋurnydja dhurrwaraŋur nhe dhu ga jukan walalany warrakan'nhany malaŋuny ga ŋarirrinhany, ga buiu nhe dhu ga ḻuka dharpapuy borum mala ga ŋatha mala. ŋarrany nhuna ga dhuwal gurrupanna ŋula nhä malany ḻukanharawnydja. 4 Yurr waŋganydja nhuma dhu yaka ḻuka; ŋunhiny ŋunhi ga maŋgu badak ŋorra ŋanakŋur. ŋarra ga dhuwal nhumalaŋ yaka'yundja, bili maŋguny' ŋunhi walŋa yan. 5 ŋula yolthu dhu yolŋuy wiripuŋuny buma, ŋanyanhany ŋarra dhu dhä-gir'yunna. ŋarrany dhu dhä-gir'yunna dhiŋganhamaraman ŋanya ŋula yolnha warrakan'nha waŋganynha ŋunhi dhu ŋayi yolŋunhany walŋa djaw'yiin rakunygum. 6 Godthu djäma yolŋunhany balanya bili yan nhakun ŋayipi God, ga ŋuia yolthu dhu yolŋuy buma murrkay'kum yolŋuny wiripuŋunhany, ŋanyanhany dhu bumayi dhiŋganhamaramdhi wiripuŋuynha yolŋuy.” 8 Bala Godtja waŋanan Noahwal ga nhanukalaŋuwal gäthu'mirriŋuwal walalaŋgal bitjarr, 9 “ŋarrany dhu dhuwal djäma ŋarrakuwuynha ŋarra romnha, gurrupanminyarawnha nhumalaŋgun ga nhumalaŋgalaŋawnha djamarrkujjw', 10 ga bukmakku warrakan'ku malaŋuw nhä mala ga dhuwali nhina. ŋarrany djäman dhuwaṉḏja rom gurrupanminyarawnha bukmakkun ŋurikin ŋunhi gan marthaŋayŋur dhawaṯthurr, ga malthurr nhuŋu walal gan.

11 Märraŋ dhuwal dhäruk. Dhäruktja dhuwal rom gurrupanminyawuynydja nhokalnha: Dhuwal ŋarra ga wäwundja nhirrpanna: ŋarra dhu yakan buluny buku-ḻupmaram ga buwayakkum ŋunhi nhä mala ga dhiyal nhina dhiyaŋ bala. Bäyŋun dhu ŋarra buluny buku-ḻupmaram ga buwayakkum dhuwaṉḏja wäŋa munatha'nhany. Dhuwaṉḏja ga rom barraŋga'yun weyinŋuwnha nhinanharaw. 12 Ga dhuwaṉḏja baldhurr' ŋarra ga djäma nhuŋun ga ŋula nhaku malaŋuw dhuwali ga nhina: 13 Ŋarrany dhu djäri rulwaŋdhun ŋarrakuwuy ŋarra maŋanlil. Dhuwal djäri baldhurr' ŋarraku rom gurrupanminyawuy, ŋorran dhu ga bukmakkalnha. 14 Ŋunhi ŋarra dhu ga bitjan bili djiwarr'nhany dhurrthurryun maŋaṉḏhun, bala ŋayi dhu ga djäriny dhawaṯthunna yan, 15 ga ŋuriŋiyi dhu ga ŋarranhany guyaŋanhamirryam, ŋunhi ŋarra wäwunguŋal nhumalany ga bukmaknha warrakan'nha, yakan dhu buluny buku-ḻupmaram ga buwayakkum ŋula nhänhany malany ŋunhi dhuwal ga nhina.

16 Yo, ŋunhi dhu ga djäriny dhawaṯthunna yan, ŋarrany bala dhu ga nhäman ga guyaŋan roŋiyirra ŋunhi ga rom barraŋga'yun weyinŋuwnha nhinanharaw, ŋunhiyi rom ŋarrakuŋ, ŋula nhakun malaŋuw bukmakkun ŋunhi ga nhina dhiyal munatha'ŋur. 17 Dhuwaliymy baldhurr' dhawu' ŋarra djäma ŋula nhaku malaŋuw yan bukmakku ŋunhi ga nhina dhuwali munatha'ŋur.”