11
Mokena vari gira aena
1 Kamini mokena vari gira aena vegu bi beika baika uka mokena rofu aesifa idu vena de resifa, mina bi rama iniye vata nigedi. 2 Adina mina mokena vari gira aena dudu tutubena vene nimaro.
3 Mokena vari gira aena dudu, una una diba nisifa Sei yaku ini ago dudu kono ma oma di beika baika tau riyo, ye beika baika vesifa bi beika baika de vesifa gutunari riyo.✡ Gen 1.1; Ps 33.6, 9; Jn 1.3
4 Mokena vari gira aena dudu, Cain yaku reyo kana de, Abel yaku Sei nimaro ori sisika burefe maro, ye Sei ini beika maro dudu mokena rorobo nufa nimaro. Gabi muyeyo, idu ini mokena vari gira aena dudu toga ago nido.✡ Gen 4.3–10
5 Mokena vari gira aena dudu, muyena ga amuteyainedi, Enoch afei boyo ma baku de reyadi, Sei yaku afei boyo dada. Kamini afei bona koderi, Sei di uka ada reyo ma niogau reyo.✡ Gen 5.21–24 6 Ye mokena vari gira aena de dudu, Sei di uka ada regi bi anua rego, ini adina amiye kaere ina rofu ekaira regi ura redo, bi Sei vegu amedo ma kaere ina maina regedi ini obini mago, mina rofu mokena vari gira aeyaine.
7 Mokena vari gira aena dudu, Noah bi beika baika Sei yaku ago gira niyo bi vata nigedi, idu vena koderi, Sei di ago neidesi ini yava vene moi vegu rigi sisima akuyo. Makai regasa kono vene yaku nifafana resi mokena vari gira aena dudu, mokena rorobo moigo amiye niyo.✡ Gen 6.13–22
8 Mokena vari gira aena dudu, Abraham ini gagani feregi kono yokoi gabi moigo, mina raka niyori, bi Sei di ago neideyo. Goidu bobigo ina toto, idu kamini ini gagani fereyo mini.✡ Gen 12.1–5 9 Mokena vari gira aena dudu, okina amiye di gagani kana, nitore reyo konori amegi diyo. Mironari Isaac ma Jacob, kaere bi ina gogo mina nitore reyo ago di beika baika moigedi, bi inasa karaga yavari vakoi amegamadi.✡ Gen 35.27 10 Adina Sei yaku nirorotari resi akuyo taoni gado nufa vegi tua regamo.
11 Idu Sarah bi natu ma ugava iniye niyo, idu mokena vari gira aena dudu, rivo ninadi vava moiyo,* Idu Sarah…vava moiyo; bura bedakai Idu ugava iniye niyo ma Sarah bi natu, mokena vari gira aena dudu Abraham baba nigi di vava moiyo nufa. nitore reyo amiye rofu mokeyo bi vegu rama rego dada.✡ Gen 18.11–14; 21.2 12 Mina dada ugava iniye niyori, bi amiye yokoi maka gutuna omari iya tau gade ma davara seriri vasa di fore keika keika tau gade amiye duaiya regi anua rego kana, di tutubena vene vata niyadi.✡ Gen 15.5; 22.17; 32.12
13 Ina vene tau gade mokena vari gira aena nufa, muyegasa nitore reyo beika baika de moiyadi, idu gaimari vegasa faiva nisi nigamadi bi okina vene ma mina konori ni meki reyo vene.✡ Gen 23.4; 1 Chr 29.15; Ps 39.12 14 Adina mina kana ago nidedi vene yaku mina nidedi bi rama ini gagani maina rededi. 15 Mina gagani feresi diyadi rofu mokeyagadu vonisi, bi dui regi ida baku reyagadu. 16 Idu kamini gagani burefe baku regi ura rededi; mina bi omari. Mina dada Sei yaku amiye ini Sei kana raka nina rofu maena de redo, adina taoni yokoi ina vene rofu dogo reyo dada.
17 Abraham di uka ebene reyori, bi mokena vari gira aena dudu, ori sisika rena kana Isaac maro; kamini nitore reyo ago moiyo amiye bi ini mida yokoi maka mago mini.✡ Gen 22.1–14 18 Sena ina fafau yomakai niyo, “Yi tutubena vene bi Isaac gutuna baegedi.”✡ Gen 21.12 19 Abraham mokeyo Sei bi muyenari moi dadi rae rego—kamini rama bi muyena gutuna moi dairiyo kana.
20 Mokena vari gira aena dudu, Isaac yaku beika baika vata nigedi dada, Jacob ma Esau rofu buni tora gade maro.✡ Gen 27.27–29, 39–40
21 Mokena vari gira aena dudu, Jacob yaku ini muyena koderi, ini yukana koduri meimisi Sei nivakegasa Joseph di ubama remanu buni tora gade maro.✡ Gen 47.31; 48.1–20
22 Mokena vari gira aena dudu Joseph bi ini muyena ne rei vesi Israel vene yaku gokai Egypt gagani feregedi di sina nisi ini nena dada ago nimaro.✡ Gen 50.24–25; Ex 13.19
23 Mokena vari gira aena dudu, Moses vata niyori, mina usi bi ini nono baba yaku eyo regodenuri moi sui riyadi, mida yodomo iniye veyadi dada, resi kini di ago gira ori de reyadi.✡ Ex 1.22; 2.2
24 Mokena vari gira aena dudu, Moses tora nigasa Pharaoh di vefa di mida vo nigi moi kekevata uyo,✡ Ex 2.10–12 25 idu Sei di venesa buni de renari, auba resi meda tumuri, vegu no dudu, uka moi ada rena mokei vava regi ka auba de reyo. 26 Kamini mokeyo Keriso fafau nifafana rena bi gugura tau nufa kana, Egypt gagani di gugura buni kana de, ini adina obini maina reyo.
27 Mokena vari gira aena dudu, kini di gubuyo rofu ori de resi Egypt fereyo, ini adina vena de amiye, vena kana are rei gira reyo. 28 Mokena vari gira aena dudu, Ferei ebu rena irakuna di irakuna rega dava moi faraka reyo, moi no rena vima yaku Jew vene di ourena mida mida ga umuyeyainedi dada.✡ Ex 12.21–30
29 Mokena vari gira aena dudu, Israel vene kono roko kana Davara kaka ugaradi, idu Egypt vene makai regika rei veyadiri koru irisi muyeyadi.✡ Ex 14.21–31
30 Mokena vari gira aena dudu, meda 7 ri Jericho di kota dai buru risi deyadi, ye mina usi kota yareyo.✡ Josh 6.12–21 31 Mokena vari gira aena dudu, koa rena rema Rahab de neideyadi venesa de muyeyo, ini adina sui dudu kono veyadi vene amuta dudu afei dui reyo dada.✡ Josh 2.1–21; 6.22–25
32 Ye beika bi besa nigida? Adina Gideon, Barak, Samson, Jephthah,† Gideon, Barak, Samson, Jephthah: Mina bi Israel vene di ourefeidena vene bedakai. Ini sina sina bi Kota rededi vene di buka (Judges) ri baku re. David ma Samuel, ma Sei di ago niyadi vene di sina nigida ka meda na rofu bi de iniye.✡ Judg 6.11—8.32; 4.6—5.31; 13.2—16.31; 11.1—12.7; 1 Sam 1.1—1 Kgs 2.11 33 Mokena vari gira aena dudu, ourefeidena amena sana ebu resi mokena rorobo vegu reyadi. Mina resi nitore rena ago moisi lion di vena biri riyadi.✡ Dan 6.1–27 34 Mina resi isivaga iniye ita ukafesi bainasi metona rofu ori diyadi. Mina resi roaita yauri, yeiva nisi iyari isivaga nisi okina vene di iya rena vene fonufonu meki reyadi.✡ Dan 3.1–30 35 Rema vene di muyena vene bi dudusa dadi rae reyadi ma moiyadi.✡ 1 Kgs 17.17–24; 2 Kgs 4.25–37
Bedakai erufugika moi kekevata usi bi esika maro ma muyeyadi, ye vegu burefe rofu dudusa dadi rae regedi. 36 Bedakai nikuruna ma buburu vai rena di esika esika moiyadi ma seini dudu ka ukita resi dibura ideri aegamadi.✡ 1 Kgs 22.26–27; 2 Chr 18.25–26; Jer 20.2; 37.15; 38.6 37 Fore dudu umuyesi be bi utama nugai buru remanu risi‡ Bura bedakai ka ini uka maina regika nivesi nufa. be bi bainasi dudu umuyeyadi. Mamoe ma gouti di ro akugasa diga boga reyadi—bi baku baku de vene, esika masi buni de ina rofu reyo.✡ 2 Chr 24.21 38 Kono di vegu bi ina vene rofu bi buni de! Vasa roena sanari ma omuna odorori diga bogasa resi fore ruba ma avana ideri amegamadi.
39 Mina vene tau noibanu ini mokena vari gira aena rofu nimaro, idu nitore reyo beika baika de moiyadi, 40 Sei yaku una rofu beika yokoi burefe nirorotari reyo dada, ye unasa de moi rorobo iniye reyainedi baebu.
✡11:3: Gen 1.1; Ps 33.6, 9; Jn 1.3
✡11:4: Gen 4.3–10
✡11:5: Gen 5.21–24
✡11:7: Gen 6.13–22
✡11:8: Gen 12.1–5
✡11:9: Gen 35.27
*11:11: Idu Sarah…vava moiyo; bura bedakai Idu ugava iniye niyo ma Sarah bi natu, mokena vari gira aena dudu Abraham baba nigi di vava moiyo nufa.
✡11:11: Gen 18.11–14; 21.2
✡11:12: Gen 15.5; 22.17; 32.12
✡11:13: Gen 23.4; 1 Chr 29.15; Ps 39.12
✡11:17: Gen 22.1–14
✡11:18: Gen 21.12
✡11:20: Gen 27.27–29, 39–40
✡11:21: Gen 47.31; 48.1–20
✡11:22: Gen 50.24–25; Ex 13.19
✡11:23: Ex 1.22; 2.2
✡11:24: Ex 2.10–12
✡11:28: Ex 12.21–30
✡11:29: Ex 14.21–31
✡11:30: Josh 6.12–21
✡11:31: Josh 2.1–21; 6.22–25
†11:32: Gideon, Barak, Samson, Jephthah: Mina bi Israel vene di ourefeidena vene bedakai. Ini sina sina bi Kota rededi vene di buka (Judges) ri baku re.
✡11:32: Judg 6.11—8.32; 4.6—5.31; 13.2—16.31; 11.1—12.7; 1 Sam 1.1—1 Kgs 2.11
✡11:33: Dan 6.1–27
✡11:34: Dan 3.1–30
✡11:35: 1 Kgs 17.17–24; 2 Kgs 4.25–37
✡11:36: 1 Kgs 22.26–27; 2 Chr 18.25–26; Jer 20.2; 37.15; 38.6
‡11:37: Bura bedakai ka ini uka maina regika nivesi nufa.
✡11:37: 2 Chr 24.21