1 Mana vungaghi haba Nebachanezzar te va hevei horu na bosa vanira na lei tinoni mana tana maramana udolu,

4 “Inau, a Nebachanezzar, te ghahau utou tua tana valegu, mi ta nigua na lologho. 5 Mi ta sakai na bongi inau tu loghoa sakai na maturubole te neu ge u mataghu sule ngangata. Eo, inau tu righia na mabubu te hoghohare na liogu tana bona tu koli tana [malagu/ghimegu]. 6 Keri ge u nia hevei vanira na bosa na lei mane manaha ni Babylon, ge kara mai bosaa vaniu na hava ilokana na maturubole. 7 Mi tana bona tu holora lei mane logho tidalo, mana lei mane kibokibo manaha, mana vure tara bosadila na hava ke kale tana ngiha, tara haghe mai, mu bosa vanira na maturubole, hauva mara mua tangomana na toghiana vaniu na hava na ghanaghana ilokana. 8 Mi sosoko Daniel te haghe mai tana matagu, mi nau tu bosai vania na lei maturubole. Tara vatua nia Belteshazzar taonia nigua na god, mana tarungana na god te tabu te ghaha itatana. 9 Inau tu bosa vania, “Belteshazzar na vunaghidira na vure logho tidalo, inau tu ghilalagho na tarungana na god te tabu itamua me taho siki totobo vahola te polo vanigho. Keri ke, ko toghia vaniu na ghanaghana ta nigua na maturubole. 10 Tana bona tu koli tana malagu, aeni te vagha tu righia ta nigua na maturubole. Inau tu righia na ghai sule ngangata tana ghobuna na maramana. 11 Na ghai te totolo dato me sule me laga, me saravia i kokou ge na maramana udolu kara righia. 12 Mana lei raurauna tara rongoragha, mana lei vavangana te subo, me loghoi na vanga vanira rana vure tana maramana kara ghania. Mana lei maumani asi tara mai mara ghaha sarana tana ungaungana, mana lei manu tana oka tara mai mara niku tana lei otona. Mana maramana udolu tara vanga tana ghai eni.

13 Tana bona tu koli so tana malagu mu ghanaghana na hava iloka na maturubole, inau tu righia na angel te tabu te va mai kokou. 14 Na angel te ghaeghahe, ‘Kau toka horua na ghai, ma kau pusighi na lei otona! Kau kahi keha na lei raurauna, ma kau soni sebalai na lei vavanga! Kau ghurura lei maumanu tana sara ni ungaungana mana lei manu tana lei otona. 15 Kau sania na pukuna mana lalana tana pari,. Kau hola na kabe tara gonia nia na iron/halo mana brass/bronze ma kau piti talighutia nia, ma kau sania iga tana bona oka tana loka ni buburu. Mana kebu ni labota te mai kokou ke siuvia tana bona kau sopoulaghinia iga. Me ke nira kabukolu na lei maumanu tana buburu tana bona keri. 16 Tana vitu na volavola ni bona ni aho gaia ke loghoa na lio mana manaha lio mana ghanaghanaa ni maumanu, ke mua vagha na tinoni. 17 Agaia eni didira na bosa ni vetena na lei angel tabu. Na pukuna na bosa ni vetena ge rana vure tana maramana udolu kara ghilala ge God puku ni haba te vunaghi pungisira na lei tinoni/kinakabu tana maramana, me ke vahera arahei te liona, sakai vamua rahei tara mua haba.’

18 “Belteshazzar, agaia keri na maturubole inau, na vunaghi haba Nebechadnezzar, tu loghoa. Uto, itaeni ko toghia vaniu na hava na ghanghana ilokana, na pukuna taho siki sakai keha ke hangau. Na lei nigua na lei mane manaha ta nigua na kinakabu tara mua tangomama tua. Mi ghoe vamua ke tangomana na pukuna nina tarungana lei god tara tabu itamua.”

19 Inagho geke toghia aeni, Daniel (tara holoa nia ghua Belteshazzar) te nia hoghohare na liona na toghiana na ghanaghana ilokana na maturubole, me [mua bosa/todore]. Mana vunaghi haba te bosa vania, “Belteshazzar, ke bei nia mataghu na maturubole mana hava na ghanaghana ilokana.”

Ma Belteshazzzar te bosatughu, “Aghe na vunaghigu, eliogu na ghanaghana ilokana na maturubole ke kalera vanira na lei ghamua na kana, me mua vanigho ighoe. 20 Na ghai to righia te totolo me daro me sara ikokou gekara vaevane na maramana. 21 Na lei raurauna tara ghaugharugha, me vangagha ge na lei tinoni soko kara ghania. Mana lei maumanu asi kara mai ma kara ghahara sarana tana ungaungana, mana lei manu kara niku tana lei otona. 22 Aghe na vunaghi haba, na ghai keri, ighoe. Na pukuna ighoe to totolo dato mo laga mai to haba. Na ladamu te saravia tana parako, ma nimua na maana te sara tana sosokona na maramana. 23 Mi ghoe to righia na angel te tabu, te horu mai kokou me bosa me ghaghua, ‘Kau toka horua na ghai ma kau durakea, hauva kau sania na pukuna mana lalana iloka ni pari. Kau hola na kabe tara gonia nia na iron/halo mana brass makau piti talighutia nia makau sania iga tana bona oka tana loka ni buburu. Kau sania iga, ge na keba ni bongi/labota ke tutudu mai kokou me ke mai vuvungana. Me ke vanga tana bona keri kolura na lei maumanu ilokana vitu na niulu.’

24 “Aghe na vunaghi haba, aeni na ghanaghana ilokana na maturubole, mana hava te talutatea God puku ni haba, ke kalegho tua. 25 Igeva kara ghuru horugho tana komu, mo va ghahagho itadira na lei maumanu asi. Mo ko vanga buburu vagha na buluka, mo ko ma siu na kebu ni kokou. Mi tana vituni na volavola ni bona ni aho ke padi tana bona ko kabu vagha keri, polo ko ghilalaa God puku ni haba te vunaghi pungisira na lei kinakabu ni maramana, me ke vahera arahei te vilira. 26 Ma gaighi na puku ni ghai mana lalana tana pari. Aeni ko ghanaghana ge ko ghoi hola olia nimua na kinakabu tana bona ko ghilala God ni kokou te vunaghi pungisia na maramana udolu. 27 Aghe na vunaghi haba Nebuchadnezzar, ko rongoviu mai. Ko beto tua na lei gehegehe hahi to nei, mo ko gonia vaso na hava te uto, mo ko lio uto vanira tara bona. Sogea ko tona haliu tua na kabu uto.”

28 Hauva ka, na lei totobo tara kalea Nebachadnezzar na vunaghi haba. 29 Mi murina hangavulu rua na vula, agaia te oleole vuvunga na vale ni vunaghi haba ni Babylon. 30 Tana bona te rei halavu tana komu sile, agaia te ghaghua, “Vaevane na komu sule i Babylon! Inau, ta nigua na maana heghegu, tu gonia aeni geke komu utoutoa te vagha nigua na komu ni vunaghi haba, ge kara righia nigua na maana maia nigua na rongoragha na haba.”

31 Mi tana bona te bosai na lei bosa raini, mana manga te kokoe mai kokou, “Aghe na vunaghi haba Nebuchadnezzar, na rongorongo aeni ke te vanigho! Ighoe ko mua vunaghi pungisia na kinakabu eni taeni. 32 Igeva na lei tinoni kara ghuru horugho tana bona tara ghahara iga na vure subo. Mo ko ghahagho kolura na lei maumanu asi, mo ko vanga buburu vagha na buluka. Mi tana vituni na volavola ni aho ke padi tana bona to kabu ghaghua iga, polo ko ghilala inau, God puku ni haba, ke vunaghi pungisighi na lei kinakabu ni maramana mu ku vahea ahei tu vilia.” 33 Mi tana bona ni aho vaghana keri, na bosa te mai kale tua, ma Nebachadnezzar tara ghuru horu tana komu ni tinoni. Agaia te vanga buburu vagha na buluka, me nia siu na kebu ni kokou. Ma gaia te kabu vagha keri polo na vuvulu ni uluna te sau horu vagha na vuvulu ni manukama, mana ghughuna tara vaghai na ghughu ni manu.

34 “Mi murina na bona eni te padi, inau, Nebachadnezzar, tu reitada va ikokou. Ma nigua na manaha te ghoi pulohi mai, mi nau tu holouto mu holohaba God puku ni haba, mu talumava agaia te vola ke va me va.

36 “Tana bona na manahagu te oli mai vaniu, me vagha ghua nigua malei haba mana holouto ma nigua na kinakabu. Ma lei nigua na lei mane huhuli mana lei mane nagho tara niu togotogo sule ngangata, mi nau tu ghoi oli so ta nigua na kinakabu ge ku ghoi hulia, nia na holohaba sule vulea vaa [idania/te padi.] 37 Itaeni, inau Nebuchadnezzar tu holoutoa mu holohaba na Vunaghi haba ni kokou. Na lei gehegehe te gonighi, te uto mana utuni, ma gaia ke tangomana na talumuriadira tara talunagho.”