1 Na tunuvadira rana dalena Joseph te vuni tana Tina Jordan i lilighina Jericho, me va sara ta vuravura ni beti ni Jericho, pala ulu, me tona vatana bona aroha, me tona va ta ghotu ni Bethel. 2 Me ghoi vuni Bethel me tona va i Luz, me tona i Atoaroth tana bona dira na Arki. 3 Vaho ge sughi horu va i boko tana bonadira na Japhlet, me va sara tanan nanata ni Beth horon, me tona va Gezer me va sara tana Tahi ni Mediteranean.

4 Na binaboli tana dalena Joseph, Manasseh ma Ephraim tara holai na tunuvadia.

5 Na lei bona tara vahera na lei binaboli tana kemana Ephraim gekara loghoi te vaghai raini. Na vovoka i ulu te vuni Ataroth-Adda me tona dato i Beth-horon i matanga. 6 Vaho ge tona va tana tahi ni Mediteranean, vaho ge tona galagha taonia na saravahale va i Micmethath, me ririu ghalagha i liligina Taanath-shiloh pala uluna Janoah. 7 e vuni Janoah me ririu sapa ghalagha i Ataroth mi Naarah, me sara va i Jericho me va soko ta Tina Jordan. 8 Te vuni Tappuah na vovoka te tona horu, me taonia na kanah Ravine va tana Tahi ni Mediteranean. Gaighi raini na pari tara vahera na lei binaboli tann kemana Ephraim. 9 Ephraim tara vahea ghua na balu komu sule mana lei komu pile tana pilena na Kemana Manasseh.

10 Mara mua tarigomana na ghuru kehadira navure ni Canaan tara ghanara tua Gezer, ma gaira tara kabu koluraso na vure ni Ephraim mara hughutira gekara lutu lee me sara mai tana dani taeni.