18
Na tuvalini na pari tara ghanai mua
1 Mana pari udolu i savana didira na righitaoni rana dale Israel, ma gaira tara talu datoa na Vaevale Tapole i Shiloh. 2 Hau va aravitu na kema tara mua tuvalira nia mua na pari gekara loghoa. 3 Ma Joshu huatira, “Ivei vaho ke vaghaa na darona kau pitu, vaho gekau holai makau loghoi na pari tara ghana, a didira na Lord God na lei kukuamiu te vaheghau?” 4 Kau vilira ara tolu na mane ta sakai na kema, muku vetenara va tana lei bona ta mua lagavuli mua. Makara nighi oli mai tagua na gegereni a lei didira na kobe, taonia na lei bona kara loghoi. 5 Ma gaira kara kobea na pari tana vitu na bubulo, kolua nia nina bublo Judah ke ghanaa sonoilau, ma nina bubulo Joseph ilonga. 6 Vaho inau ku talua na vaughilala tabu tana matana Lord, geku ghilalaa ivei na kobe ia ke vania sakai na kema. 7 Hau va, gaira na Levite kara mua loghoa siki pari. Didira na lutu tana malei priest nina Lord gaia keri didira na lologho. Mana Kemadira Gad ma Reuben, maia na levunana Kemana Manasseh kara mua ghoi lavia ghua siki tunuvan pari, na pukuna na tunuadira tua i pala uluna na Tina Jordan, te vahera tua Moses nina tinoni lutu Lord.”
8 Mi tana bona tara tapatughuru gekara tona rahei kar va kobea na pai, Joshua te bosa vanira, “Kau tna makau rghia na pari. Vaho gekau oli mai tagua kolui nia nimiu na gegere tutughuni, vaho geku tuvalia na pai vanira na lei kema nia na talu vaugilala tana matana Lord iani Shiloh. 9 Mana lei mane tara gonitaonia na hava tara vetenara nia, mara gonia na gegere taonia na pari tana vtu na bubulo, mara gerei ghua na lei komu sule tana lei sopa bublo. Vaho gara oli mai ta Joshua i Shiloh. 10 Mi gai i Shiloh, Joshua te talu vaugilala tana matana Lord geke ghilala ivei na bubulo vaghana ke Inghoa sakai na kema.
Na pari tara vahea Benjamin
11 Na vuivuni ni tunuva tara vahera va a lei binaboli tana kemana Benjamin. Gaia keri te kabu ighobudira na pari tara diki vahera tua na kemadira Judah ma Joseph.
12 Na vovoka i longa te vuivuni tana Tina Jordan, me tona haliu longa va tana lighilighi ni ghotu ni Jericho, vaho ge tona horu va tana leao ni Beth-aven. 13 Me tughuru kakeri na vovoka te tona sapa va Luz (gaia keri Bethel) me sghi horu va Ataroth-addar me va sara tana ghotu pala launa Beth-horon i pari. 14 Na vovoka te ghoi ona sapa taonia pleva bokona na ghotu te naghovia va Beth-horon, me va siki tana komu ni Kiriath-Baal (gaia keri Kiriath-jearim), sakai na komu sule didira n kemana Judah. Gaia eni na vovoka i bokona. 15 Mana vovoka ilau te vuivuni tana sosokona Kiriath-jeakim. Te vuivuni kakeri ine tona horu va i boko me va sara tana beti i Nephtaoh. 16 Me ghoi sughi va tana pukuna na ghotu lilighina na boboko didira na dalena Hinnom, tana sosokana ilonga na boboko ni Rehaim. Me uni kakeri e sughi tana boboko ni Rephaim. Me vni kakeri me sughi tana boboko ni Hinnom, me tona halavu sopa tana sughi tara ghanara ga na Jebusite me sugi horu haliu va i En-rogel. 17 Me vuni En-rogel na vovoka te tona ghalaghalong va i En-shemesh me va sara Geliloth. (gaia kei t tona tana boboko Adummin). Vaho ge tona horu va Bohan (Boha na dalena Reuben). 18 Mete vuni kaker te liu lilighina na boboko te righi sughia va na boboko Jordan. 19 Na vovoka te sughi horu me liu lilighana na boboko Beth-hoglah me va soko pala longana na logu tana Tahi Mate pala launa na Tina Jordan. 20 Mana Tina Jordan na vovoka uluna. Gaighi raini didira na lologho na lei binaboli tana kemana Benjamin.
Na lei komu sule tara vahea Benjamin
21 Gaighi rani na lei komu sule tara vahera na lei binaboli tana kemana Benjamin. Jericho, Beth-hoglah, Emek-keziz. 22 Beth-arabah, Zemaraim, Bethel. 23 Avvim, Parah, Ophrah 24 Kephar-ammoni, Ophni, mi Geba ara hangavulu rua na komu sule maia na lei komu pile. 25 Gibeon, Ramah, Beeroth, 26 Mizpeh, Kephirah, Mozah, 27 Rekem, Irpeel, Taralah. 28 Zela, Haeleph, Jebus (gaia keri Jerusalem. Gibeah, mi Kiriath-jearim. Ara hangavulu vati na komu sule maia na lei komu pile. Gaighi raini didira na lologho na lei binaboli tana kemana Benjamin.