1 A Lord nigua na marara mana vola kasila

ma ge ahei ku mataghunia?

A Lord ke pilupungisiu tana lei totobo maemategha.

2 Tana bona na lei tinoni dika kara mai ma kara taghalaghiniu,

kara sarikiba ma kara tumu.

3 Sakai vamua na ovu ni kisumate ke talighutiu,

na tobagu ke mua mataghu.

Sakai vamua a kisumate ke tavurake savuu,

Inau ku varava ngasi so itatana.

4 Sakai na totobo ku nongia va itatana Lord,

na totobo tu kene ngangataa,

ke na kabu tana valena Lord tana lei bongi ni volagu.

Ku nighi togotogo na lei totobo te uto

mu ku kokoeliulivuti ta nina vale tabu.

5 Gaia ke polou ngasiliu ga tana lei bona ke mai;

gaia ke polou tana valena.

gaia ke talu datou tana vuvungana na vatu datogha.

6 vaho ge ku ghae datoa na ulugu,

ivuvungadira na ghagua na kana tara talighutiu.

Mi tana valena te tabu ku vahea va na lei sukaghi kolua na ghu ni rivurivu na nia linge kolu na keyboard na holohabaana Lord.

7 Ko rongovia mai nigua na kokoeliulivuti, Ghe Lord,

Ko aroviu mo ko bosatughu vaniu.

8 Na tobagu te rongovigho tua to bosa, “Mai mo ko kokoe vaniu.”

mana tobagu te bosatughu, “Lord inau tu mai.”

9 Ko bei pologho vaniu.

ko bei sonikehaa nia na rutu nimua na tinoni ni lutu.

ko bei saniu mo ko niu sika,

Ghe God, nigua na vola kasila?

10 Sakai vamua koro tivau tamagu ma tinagu a Lord ke varavaghiniu va itatana.

11 Taraiu nia na halautumu,

Ghe Lord, Ko uhuliu va tana halautu maomabo,

na pukuna na ghagua na levunimate tara polo pituu ge kara tumulaghiniu.

12 Ko bei lubatiu ge ku tumu va tana limadira,

Gaira tara huruu nia na hava tu mua nei mara aheahe horu na ghighirou.

13 Hauva inau tu varava me ngasi nigua na taluutuni

ge ku righia nina uto Lord tana komudira tara vola.

14 Vadangitai mo ko pitua Lord,

Ko [liopatu/liosakai] mo ko bei mataghu.

Eo, vadangitai mo ko pitua Lord.