1 God, rana voo tara haghevia na bonamu.

mara nia pari pari lee nimua na vale tabu, mara durakea Jerusalem.

2 Ma gaira tara sanighi ga na lei hulidira na kulamu na vure,

vanira na lei manu ni oka;

mana hulidira na lei nimua na ghairau na ghadira vanga na lei maumanu asi

3 Na ghabudira kulamu na vure tara kovalaa vagha na beti talighutia Jerusalem.

Me taho siki sakai te tavughira tara mate.

4 Gaira ghamami komu kolu tara kia kiahaghinighai

A gaira tara nighai lavilavi, mara batobato ghai.

5 Lord ke tona haliu haia tua nimua na rutu vanighai?

ko tona haliu so na ruruhuna te vaghaa na lake?

6 Ko talua nimua na rutu vanira na kema tara mua holohabagho,

me vanira ghua tara mua holohaba na ahamu tara kokoeliulivuti.

7 Na pukuna tara labura kulamu na vure,

mara dikalaa na komumu.

8 Ko bei toroghai nia na paludira na lei kukuamami,

Ko arovighai mai tai mua ghilala tua ivei kai liu pota.

9 God, ko hanga ghai mai, mo ko volaghai,

ko lavi kehaghai tana dika, mo ko talukehai na lei palumami

na pukuna na ahamu.

10 E ghua na lei kema ge ra huatighai, “Ivei nimiu na God?”

Ko tatea vanighai nimua na rutu vanira na lei kema,

na pukuna tara laghinighi na ghabudira nimua na lei ghairau.

11 varongohia na tangi ngurunguru ni vure tana vale pipiti,

ma nia nimua na maana te haba, ko vavolara tara dete matera.

12 Maghutu; ko hera na totoro haia tua na lei kema,

nia na lei bosa dika tara nei vanigho.

13 Ighai kulamu na vure a nimua ovu ni Sheep,

kai holoutogho ma kai holohabagho haia tua tana lei vavata mana vavata.