1 Lord, E uto sughua na holoutoamu

nia na linge ni holohabaamu

ighoe God to Haba i kokou.

2 Ladavaghinia nimua na dolo tona haliu tughu roropo,

mana volamu te utuni tana lei bona na aho te bongi.

3 Nia na lei lingelinge ni ghalevu mana ukalele,

mana lei talama ni tigitigi ghua.

4 Lord, inau tu nighi togotogo na lei nimua lutu sule to gonighi,

na pukuna na hava to gonia tu nia rivurivu na malei limamu.

5 Lord, na lei gehegehemu te sule ngangata mana lei ghanaghanamu te lalo ghua.

6 Na voo ke mua ghilalaa na totobo eni,

ma hei te bule ke mua tangomana na manahana.

7 Rana dika tara totolo dato

vaghara na tautalu ma rana tangohahi tara uto so.

8 Hauva, ma gaira udolu kara durakera,

na pukuna ighoe Lord to haba vule haia tua.

9 Ighai tai ghilalaa ghamua na kana kara mate,

ma rana dika kara laga vulera.

10 Mi ghoe Lord, to neu tua ge u laga vaghaa na bolo asi,

mo vautou nia na togotogo.

11 Inau tu righia tua tara lagavulera ghagua na kana,

mu rongovia didira tangi rana dika.

12 Rana uto tara katukatu vaghara na lei ghai cedar ni Lebanon.

13 Gaira te vaghara na lei ghai tara subara lokana valena a Lord,

mara haga lokana nina valetabu dida God.

14 Tara vangagha so tara haulaghi manaa,

gaira tara laga vaghara so na ghai vaolu.

15 Keri te tatea a Lord te maemane utuni

me taho siki totobo ke hahi i tatana.