1 Inau tu soni vaghi matagu vaa itamua,

Ighoe God, to kabu i kokou.

2 Ighai tai kene nina veiarovi Lord, Ghamami na God,

te vagha na matadira na lei tinoni lutu tara reirei kodo tana vunaghidira,

me vagha ghua na vinekama ni lutu, te pitu dilaa na vaughilala tana vunaghina.

3 Lord, ko arovighai, ko arovighai,

na pukuna tara mua ghanaghana mava ghai.

4 Na volamami te vonughia na bosa dika

tadira tara talunagho,

mana mua ghanaghana mavadira tara lionagho.