1 Zuta ta'yr wazuapyapyr uzemono'og ma'e pitàitàigatu a'e wà, upyhyk uiwy a'e wà. Waiwy oho Enom ywy pe, ywyxiguhu Zim her ma'e pe kwarahy hemaw awyze har kutyr. 2 Waywyzaw kwarahy hemaw awyze har kutyr har a'e, uzypyrog Yryhu Umàno Ma'e Kwer, ypaw kwarahy hemaw awyze har kutyr har pe a'e. 3 Oho kwarahy ihemaw awyze har kutyr. Uzypyrog zeupir haw Akarami her ma'e pe. Oho wi wi Zim pe. Kwarahy ihemaw awyze har kutyr wi oho Kanez-Maranez pe. Ukwaw Ezerom huwake. Oho Anar pe. Umàmàn Karaka tawhu no. 4 Oho Azimon pe. Oho yrykaw rupi Ezit ywyzaw rupi Mezitehàn yryhu pe. Upaw a'e pe. Amume'u Zuta izuapyapyr waywyzaw kwarahy ihemaw awyze har kutyr har kwez xe ihe.

5 Kwarahy ihemaw kutyr Yryhu Umàno Ma'e Kwer umumaw a'e ywy. Oho Zotàw yrykaw rupi u'ar pà. Kwarahy heixe haw awyze har kutyr ywyzaw uzypyrog a'e pe. 6 Oho Mete-Ogira tawhu pe Mete-Arama tawhu huwake kwarahy heixe haw awyze har kutyr. Uzeupir a'e wi itahu Moà her ma'e pe. (Moà wiko Humen ta'yr romo.) 7 Na'e uzypyrog ywyàpyznaw Iaiw haw her ma'e pe. Oho Nemir pe. Uzewyr kwarahy heixe haw awyze har kutyr Ziwkaw tawhu kutyr. Ziwkaw upyta Anumim pe zeupir haw henataromo ywyàpyznaw rehe kwarahy ihemaw awyze har kutyr. Na'e oho 'yzygwar Xemez her ma'e pe. A'e re oho 'yzygwar Hozew her ma'e pe. 8 A'e wi wahaw ywyàpyznaw Men-Inom her ma'e ywytyr Zepu izuapyapyr waneko awer pe. Zeruzarez tawhu upyta a'e ywytyr rehe. A'e re ywyzaw oho amo ywytyr apyr. A'e ywytyr wapyk Inom ywyàpyznaw henataromo kwarahy heixe haw kutyr, ywyàpyznaw teko aiha ma'e her ma'e iahykaw rehe kwarahy heixe haw awyze har kutyr. 9 Ywytyruhu apyr wi oho 'yzygwar Nepitoa her ma'e pe. A'e wi oho pepa'i tawhu Eperom ywytyr rehe har wanupe. A'e wi uzewyr wà Mara kutyr. (Kiriat Zeàri amo her romo no). 10 Umàmàn Mara kwarahy heixe haw kutyr Xeir ywytyr pe oho pà. Na'e ukwaw kwarahy heixe haw awyze har kutyr Zeàri (Kezarom) ywytyr huwake. Uwezyw Mete-Xemez pe. Oho Ximina ikupe kutyr. 11 A'e wi ywyzaw oho ywytyruhu Akerom huwake har pe zeupir haw rupi. Uzewyr Xikerom pe. Ukwaw Mara ywytyr huwake. Uhem Zaminia tawhu pe. Upytu'u Mezitehàn yryhu pe.

12 Kwarahy heixe haw kutyr ywyzaw oho iko Mezitehàn yryhu iwyr. Amumaw Zuta izuapyapyr uzeànàànàm ma'e waywyzaw imume'u haw kwez xe ihe kury.

13 Weruzar Zuzue Tupàn ze'eg. Omono amo Zuta ywy ipehegwer Karew Zepone ta'yr pe. Omono tawhu izupe. Kiriat-Arama tawhu her romo a'e. Emerom i'i her Izaew waze'eg rupi. (Arawa a'e, Anak hàmuz romo hekon a'e). 14 Umuhem kar Karew na'iruz tuwihawete Emerom tawhu wi wà. Xezaz, Aimà, Tawmaz waner romo wà. 15 A'e wi uzàmàtyry'ym Nemir tawhu pe har oho wà kury. (Kiriat-Xeper her kwehe arer romo.)

16 — Aze amo awa upyhyk Kiriat-Xeper nehe, amono putar herazyr izupe hemireko romo nehe, i'i Karew zauxiapekwer wanupe.

17 Na'e Otoniew Kenaz ta'yr Karew tywyr upyhyk tawhu a'e. A'e rupi omono Karew wazyr Akixa her ma'e izupe hemireko romo. 18 Amo 'ar mehe ur Akixa Otoniew pe uze'eg pà. — Enoz amo ko amo ma'etymaw heru pe nehe, i'i izupe. Henoz re a'e, umur a'e. Na'e Akixa Karew huwake uhem mehe wezyw zumen wi. — Ma'e ereputar, i'i Karew izupe.

19 — Ezapo amo ma'e ikatuahy ma'e ihewe nehe. Eremur ywy pehegwer Negew rehe har ne. Ikatuahy. Emur amo ytyzuzàmaw ihewe nehe no, i'i Akixa Karew pe. A'e rupi omono Karew mokoz ytyzuzàmaw izupe. Pitài ywate hin a'e. Inugwer ywytyr iwy pe hin a'e.

20 Amuapyk putar Zuta ywy waner Zuta tawhu waner xe ihe wà nehe kury. 21 Upyhyk amo tawhu kwarahy ihemaw awyze har kutyr har Enom waywyzaw huwake har wà: Kawizeew, Ener, Zagur. 22 Kina, Nimona, Anana, 23 Kenez, Azor, Ixinà. 24 Zipe, Terez, Mearot. 25 Azor-Anata, Keriot-Ezero (Azor) 26 Àmà, Xem, Moraz 27 Azar-Gaz, Ezemom, Mete-Paret 28 Azar-Xuwaw, Merexewa, Mizioxi 29 Mara, Im, Ezem 30 Ewtoraz, Keziw, Oroma 31 Zikirak, Màman, Xàxana 32 Eremaot, Xirin, Àim, Himom. Wereko Zuta 29 tawhu wà. Heta taw pixika'i ma'e a'e tawhu wanuwake har wà no.

33 Na'aw tawhu kaiwer rehe har waner xe wà kury: Etao, Zora, Azenat, 34 Zanoa, En-Kanim, Tapu, Enà, 35 Zaramut, Ànurà, Xoko, Azek 36 Xàrài, Ànitài, Zener, Kenerotài. Nezewe heta 14 tawhu wà. Heta taw pixika'i ma'e a'e tawhu wanuwake har wà no. 37 Upyhyk amo tawhu wà no. Na'aw waner xe wà: Zenà, Anaz, Miginaw-Kaz 38 Nireà, Mipa, Xokoteew 39 Araki, Mokat, Ekerom 40 Kamo, Araomaz, Kixiri, 41 Zenerot, Mete-Nago, Nama, Makena. Upyhyk 16 tawhu wà. Heta taw pixika'i ma'e a'e tawhu wanuwake har wà no.

42 Zuta izuapyapyr upyhyk amo ae tawhu wà no: Irimina, Eter, Àzà 43 Ita, Azenat, Nezi 44 Keira, Akaziw, Marexa. Upyhyk 9 tawhu wà, taw pixika'i a'e tawhu wanuwake har wà no.

45 Upyhyk tawhu Akerom her ma'e wà no, huwake har taw pixika'i wà no, teko heta haw paw wà no. 46 Upyhyk taw pixika'i paw Azenoz tawhu huwake har wà no. Upyhyk teko heta haw a'e tawhu huwake har wà no, te uhem Mezitehàn yryhu pe wà.

47 Upyhyk Azenoz tawhu wà, Kaz tawhu wà no, taw pixika'i a'e tawhu wanuwake har paw wà no. Waiwy uzypyrog Ezit ywyzaw pe. Oho Mezitehàn yryhu pe.

48 Upyhyk tawhu ywytyr rehe har wà no. Na'aw waner xe wà: Xamir, Zaxir, Xoko 49 Nana, Kiriat-Xana (Nemir) 50 Anaw, Exemo, Ani 51 Kozem, Orom, Zir. Upyhyk 11 tawhu wà, taw pixika'i tawhu wanuwake har paw wà no.

52 Upyhyk amo tawhu wà no. Araw, Numa, Exà 53 Zani, Mete-Tapu, Apek 54 Unta, Kiriat-Arama (Emerom), Zior. Upyhyk 9 tawhu wà, taw pixika'i tawhu wanuwake har paw wà no.

55 Upyhyk amo tawhu wà no. Maom, Karamew, Ziw, Zuta 56 Zereew, Zokoneàw, Zano 57 Kain, Zimea, Ximina. Upyhyk 10 tawhu wà, taw pixika'i tawhu wanuwake har paw wà no.

58 Upyhyk amo tawhu wà no. Arur, Mete-Zur, Kenor 59 Marat, Meteanot, Ewteko. 6 tawhu upyhyk wà, taw pixika'i wanehe we wà.

60 Upyhyk amo mokoz tawhu wà no. Kiriat-Ma'aw (Kiriat-Zeàri), Hama. Mokoz tawhu upyhyk wà, taw pixika'i tawhu wanuwake har wanehe we wà.

61 Ywyxiguhu pe upyhyk amo tawhu wà. Mete-Arama, Mini, Xekak 62 Nimixà tawhu xa rehe har, ytyzuzàmaw Zeni her ma'e. 6 tawhu upyhyk a'e pe wà, taw pixika'i tawhu wanuwake har wanehe we wà.

63 Zuta izuapyapyr nupuner kwaw Zepu ywy rehe har Zeruzarez pe wiko ma'e wamuhem kar haw rehe wà. Te ko 'ar rehe a'e teko wiko Zuta izuapyapyr wainuromo wà.