1 O Tupàn Tuweharupi Wiko Ma'e, emume'u zo heremiapo kwer ikatu 'ym ma'e nekwahy mehe nehe.

Herehe ezepyk zo nekwahy haw uhua'u ma'e rupi nehe.

2 Hepuhareko pe nehe, ta'e nahekàg kwaw ihe xe.

Hemukatu pe nehe, ta'e hema'eahy ihe xe.

3 Herekwe uzemumikahy a'e.

O Tupàn, ma'e 'ar mehe erezur putar hemukatu pà nehe.

4 Ezur hepyro pà màno haw wi nehe, o Tupàn Tuweharupi Wiko Ma'e.

Heamutar katu pe ne. A'e rupi hepyro hemàno àwàm wi nehe.

5 Ta'e umàno ma'e kwer wapyta haw pe har na'ima'enukwaw kwaw nerehe wà xe.

Ni amo a'e pe har nupuner kwaw nekatu haw imume'u haw rehe wà.

6 Hekene'o hezai'o re ihe.

Tuweharupi pyhaw herupaw tynehem herehaykwer pupe a'e.

Hezai'o haw umuàkym heàkàg iwy pe har.

7 Heàmàtyry'ymar ipuruzuka wer herehe wà.

A'e rupi hereha hezun hezai'o tetea'u haw rehe.

A'e rupi zawaiw katu ma'e hexakaw ihewe.

8 Pe ikatu 'ym ma'e iapo har wà, petyryk ihewi nehe.

Tupàn Tuweharupi Wiko Ma'e herenu hezai'o mehe a'e.

9 — Hepytywà pe nehe, aze a'e izupe, wenu heze'eg a'e.

Uzekaiw heze'eg rehe.

10 Heàmàtyry'ymar imaranugar putar wà nehe. Ukyzeahy putar wà nehe no.

Na'arewahy uzàn putar wà nehe. Nukwaw kwaw wemiapo ràm wà nehe.