1 Nezewe uze'eg iranaiw ma'e uzeupe a'e wà.

— Na'ikàg kwaw Tupàn, i'i wà.

Upaw rupi uzeapo ipihe ma'e iapo har romo wà.

Uzapo iaiw ma'e oho waiko wà.

Naheta kwaw ni pitài ikatu ma'e iapo har wà.

2 Ywak rehe wapyk mehe Tupàn ume'e teko paw wanehe.

Wekar amo ikatu ma'e iko.

— Aipo heta amo hemuwete katu har, i'i uzeupe uzehe upuranu pà.

3 Upaw rupi upytu'u hehe uzeruzar ire wà.

Wakatu 'ymaw paw uzuawyawygatu wà.

Naheta kwaw ni pitài ikatu ma'e iapo har wà.

Azeharomoete naheta pixik kwaw wà.

4 Tupàn upuranu purehe a'e.

— Aipo a'e teko ikatu 'ym ma'e nukwaw kwaw ma'e wà.

Tuweharupi imunar heremiaihu wama'e rehe wà.

Nuze'eg kwaw ihewe wà no, i'i Tupàn.

5 Uryryryryz putar ukyze pà a'e wà nehe.

Nuryryryryz pixik kwaw nezewe a'e 'ym mehe wà,

Ta'e Tupàn umuhàmuhàz wàmàtyry'ymar wàkàgwer a'e wà xe.

Weityk wà.

A'e rupi Izaew ipurumuzàmuzàg weityk putar upaw rupi katete wà.

6 Tuwe Tupàn uputar Izaew wapyro àwàm Zeruzarez wi ur ma'e ràm a'e nehe.

Zako izuapyapyr hurywete putar wà nehe,

Ta'e Tupàn umukatu putar waneko haw a'e nehe xe.