1 — Zaha Tupàn Tuweharupi Wiko Ma'e hàpuzuhu pe nehe, i'i ihewe wà.

Herurywete waze'eg mehe.

2 Zaiko xe

Zeruzarez pe zane kury.

3 Zeruzarez a'e, tawhu iapo wi pyrer romo a'e.

Teko uzemono'og wà xe wà.

4 Izaew ta'yr wazuapyapyr

Uzeupir xe wà.

Umume'u Tupàn Tuweharupi Wiko Ma'e hemiapo kwer ikatu haw wà wà,

Ta'e a'e umume'u kar wanupe a'e xe.

5 Tàmuzgwer uzemono'og xe teko wanemiapo kwer imume'u pà wà.

Tuwihawete umume'u wemiaihu wanemiapo kwer xe no.

6 Peze'eg Tupàn pe zeàmàtyry'ym 'ymaw Zeruzarez tawhu pe har henoz tà izupe nehe.

— O Zeruzarez, tuwe neamutar katu har wiko katu wà nehe.

7 A'e tawhu pàrirogaw aiha ma'e hereko har a'e, tuwe heta zeàmàtyry'ym 'ymaw xe nehe.

Tuwe zauxiapekwer amo ae ywy rehe har nuixe kwaw tàpuzuhu nerehe har pupe teko wazuka pà wà nehe, a'e newe.

8 Azamutar katu heywy rehe har ihe wà. Herehe we har azamutar katu ihe wà no.

A'e rupi aze'eg nezewe Zeruzarez pe ihe. — Tuwe zeàmàtyry'ym 'ymaw upyta nerehe nehe, a'e newe.

9 Azamutar katu Tupàn Tuweharupi Wiko Ma'e Zanezar hàpuzuhu ihe.

A'e rupi aze'eg izupe Zeruzarez heko katu haw imur kar pà izupe ihe.