97
Nhanderuete yvatea ha'e ipo'akaa re ijayvua
1 Senhor ma huvixave oĩ.
Tovy'a yvy re ikuai va'e!
Tovy'a ypa'ũ heta ikuai va'e regua!
2 Ijyvýry rupi oĩ arai ha'e pytũ reia.
Tenda openaaty ytarã ma teko porã ha'e ha'evea rami joguerekoa oĩ.
3 Henonde oo 'rã tata
hovaigua kuery ijyvýry ikuai va'e rapypaarã.
4 Ixuguigua overa va'e ma omoexakã 'rã yvy.
Ha'e ramo yvy oexa vy oryryipa 'rã.
5 Yvyty ikuai va'e voi ei raity rami 'rã tykupa
Senhor yvy jave re ipo'aka va'e renonde.
6 Yva ma oikuaa uka 'rã heko porãa.
Ha'e ramo ha'e javi regua oexa 'rã hexakãa.
7 Tove mba'emo ra'angaa pe ikuai va'e ha'e javi nda'evei nho ta'ikuai,
mba'emo ra'angaa rive oguerovy'a va'e.
Senhor renonde toĩmba tuuete ramigua ikuai va'e Senhor guenapy'ã re.
8 Sião tetã rupi ha'e nunga oendu vy ovy'aa 'rã okuapy,
Judá regua tekoa ikuai va'e rupi voi ovy'apaa 'rã,
Senhor, ndereko porãa rexa uka ramo.* “Judá rajy kuery” he'ia ma Judá yvy re tekoa ikuai va'e re ijayvu vy.
9 Mba'eta ndee anho Senhor Yvate ete va'e reiko,
yvy jave re ndepo'aka va'e.
Ndee ma tuuete ikuai va'e áryve reĩ va'e.
10 Peẽ kuery Senhor peayvu va'e, pembojeguaru ke teko vai.
Mba'eta onhangareko 'rã ojeupegua kuery iky'a e'ỹ va'e nhe'ẽ re,
ogueraa jepe 'rã guive heko vai va'e po gui.
11 Heko porã va'e pe ma ome'ẽ 'rã hexakã va'e,
ha'e anhetẽ rupi ipy'a va'e pe ome'ẽ 'rã ovy'a aguã.
12 Pendeko porã va'e, perovy'a ke Senhor.
Peporaei hery iky'a e'ỹ va'e rupi!
Senhor ha'evea rami joguerekoa re ijayvua
Mboraeirã ombopara pyre.