133
1 Joegua kuery peteĩ rami ikuaia ma
ha'eve 'rã, iporã ete guive.
2 Ha'e rami ikuaia ma azeite hepyve va'e
sacerdote Arão akã re onhoẽ ramo
hendyva re oxyry ovy vy
ijao aju'y peve ovaẽ va'e rami.* Sacerdote-rã Arão omoĩa vy inhakã re omoĩ raka'e azeite (Êxodo 29.1-9), Nhanderuete ojeupegua kuery omoingo porã aguã kuaa ukaarã (Êxodo 29.43-46).
3 Ha'e rami ikuaia ma Hermom yvyty gui yxapy ou va'e
Sião yvyty ombo'yxapypa va'e rami.† Yxapy py Nhanderuete omoingo porã 'rã ha'e kuery onhotỹ va'ekue (Gênesis 27.28).
Mba'eta ha'e py Senhor ombou nhomoingo porãarã,
ha'e tekove raka'e rã peve guarã.
Ka'aru'i jave oporaeia aguã oenoĩa ague
Oguataa rupi ikuai va'e oporaei aguã.