1 Ŋulinyaramirriyunydjayi märrma' ŋunhiyi dhäwu'‐gänharamirrinydja maṉḏa * ElijahYelatja ga † ElishaYelatjiya maṉḏanydja ŋunhalana ‡ GilgalGilkalnha. 2 Ga ŋayi Yelatjanydja waŋana Yelatjiyanha bitjarra, “Nhenydja dhiyala nhiniya ŋe! Garrayyu ŋarranhanydja waŋana ŋarra yurru marrtji bala § BethelBithullili,” bitjarra.

Ga ŋayi Yelatjiyanydja waŋana buku‐ruŋiyinmaraŋala nhanŋu bitjarra, “Yäw yaka! Yaka ŋarranydja yurru gonha'yun nhuna.” Bala yana maṉḏa marrtjina rrambaŋina bala Bithullilinydja.

3 Ga ŋunhalayi maṉḏa bunana dhäwu'‐gänharamirriwu walalaŋgu, ga ŋuriŋiyi dhäwu'‐gänharamirriyu walalay dhä‐wirrka'yurruna Yelatjiyanha, “Marŋgina nhe yulŋunydja? . . . be yurru Yelatjanha djaw'yun Garrayyu gäthura?” bitjarra.

Ga ŋayi Yelatjiyanydja buku‐ruŋiyinmaraŋala waŋana, “Ŋe, marŋgi ŋarra yulŋunydja, yurru yaka ŋathili waŋanhamiyanydja,” bitjarra ŋayi.

4 Bala yana ŋayi biyapul waŋana Yelatja bitjarra, “Dhiyala nhiniya ŋi, ga ŋarranydja yurru marrtji ŋunha * JerichoDjarikulili.” Ga ŋayi biyapul Yelatjiya waŋana, “Yäw yaka! Yaka nhuna ŋarra yurru ganan.” Bala maṉḏa marrtjina rrambaŋina Djarikulilinydja.

5 Ga ŋunhalanydja biyapul wiripu‐guḻku'yu dhäwu'‐gänharamirriyu walalay dhä‐wirrka'yurruna Yelatjiyanha, bala walala waŋana ŋanya bitjarra, “Be nhenydja marŋgi muka? . . . liŋgu gäthura Yelatjanhanydja yurru märramana Garrayyu djiwarr'lilina?” Ga ŋayinydja yuraŋala ḻakaraŋala bitjarra, “Ŋe. Ŋarranydja marŋgina, yurru yaka waŋanhamiya ḻakaranhamiyanydja.”

6 Ga biyapul ŋayi Yelatja waŋana Yelatjiyawala, “Dhiyala nhiniya ŋe! Ŋarranydja yurru dhuwala bala marrtji mayaŋ'lili ŋunha † JordanDjodanlili.” Ga ŋayinydja yana bitjarra bili Yelatjiyanydja waŋana, “Ŋarranydja yaka yana nhuna yurru ganan.” Bala maṉḏa rrambaŋi yana marrtjina bala ŋunhimala mayaŋ'lili Djodanlilinydja.

7 Ga guḻku'yuna dhika dhäwu'‐gänharamirriyu walalay maṉḏanha nhäŋalanydja ŋunhalana bala ya', barrkulilina märr. 8 Ŋayi Yelatjayunydja yupmaraŋalana girri' rumbalŋurunydja nhanukiyingala, dhoṯkuŋalanydja, bala wutthurruna gapuna ŋunhi mayaŋ'nha; dhunupa marrtjina ŋunhi gapunydja barr'yurrunana barrkuwatjthinana, bala maṉḏa nhinana marrtjina bala baṉḏany'kurruna wiripuŋulilinydja buḏapthurruna gali'lili.

9 Ga ŋunhalanydja bala ŋayi Yelatja waŋana Yelatjiyanha bitjarrana, “Nhäku nhe yuwalktja gal'ŋu ḏukṯukthirri yukurra? Nhaltjan dhika ŋarra yurru nhuŋu yulŋunydja, yurruna ŋarranha yurru djaw'yundja bala?”

Ga ŋayi Yelatjiyanydja buku‐ruŋiyinmaraŋala nhanŋu bitjarra, “Ŋarranydja yukurra djälthirri, ŋarra yurru märrama balanyarayi liŋgu ganydjarr bitjan dhuwala nhe yukurra ŋayathama, yurru biyapulnha wal'ŋu nhokalanydja, märr ŋarranydja yurru nhokala yana dharapulŋura yukurra dhärra.”

10 Ga ŋayi Yelatjanydja waŋana nhanŋu buku‐ruŋiyinmaraŋala bitjarra, “Dhuwalinydjayi mirithirrina wuṉḏaŋarr. Ŋuli yurru nhe nhäma ŋarranha djaw'yunara dhawuṯthunarana, bala nhenydja yurru märramana. Ga ŋuli nhe yurru yakanydja nhäma ŋarranha djaw'yunara, ŋunhinydja nhe yurru yakana märrama.”

11 Marrtjinanydja maṉḏa nhinana bala, waŋanharaminana marrtjina bala rrambaŋi yana, bala yana ŋunhilinydja marrtjina yarraman'thinyarana gurtha maḻŋ'thurruna, balanyarana bitjan yarraman'thu ḏulŋu'‐ḏulŋurryurru nhini lili girri' ŋäṉarrkurru gurthakurru; ŋayi marrtjinanydja yana dhaḻakarrkurru maṉḏakala ṉapuŋga'kurru, bala ŋanyanydja yana märraŋalana Yelatjanhanydja, djaw'yurrunana‐wala yana djiwarr'lilina ŋuriŋi wäŋiyuna bitjan wakarr. 12 Yelatjiyayunydja nhäŋalana dhika yukurrana, bala waŋanana ŋayi yatjurrunana Yelatjanhana, ŋunhi ŋayi marrtjina bala dhawuṯthurruna djiwarr'lilina, “Ŋarraku mäḻu! Ŋarraku mäḻu! Liŋguna nhe marrtjinana!” Bitjarra ŋayi yukurrana waŋananydja, ga yakana ŋayi biyapulnydja ŋanya nhäŋala Yelatjanha rumbal.

13 Yelatjiyanydja wirrkina dhika galŋa‐yätjthina, bala ŋayi girriny'tja märraŋala Yelatjawanydja ŋunhi ŋayi yapthurruna nhanukala rumbalŋuru ŋunhi ŋayi dhawuṯthurrunanydja, ŋunhiyi ŋayi girriny'tja märraŋala, bala yana balayi roŋiyina Djodanlili. 14 Ŋayathaŋala ŋayi Djodanbuynydja ŋunha, bala ŋayi ŋuriŋi liŋgu Yelatjawala girri'yunydja wutthurruna ŋunhi gapunydja mayaŋ'tja, ga waŋana bitjarrana, “Wanhaka dhika Garraynydja? . . . Yelatjawunydja God?” bitjarra. Dhunupa ŋayinydja marrtjina gapunydja ŋunhi barr'yurruna barrkuwatjthinana, bala yana ŋayi marrtjinana nhinana bala baṉḏanygurruna, ŋunha bala wiripulili ḻaypalilinydja roŋiyinanydja ŋunha makarrlilinydja.

15 Walalanydja ŋunhi dhäwu'‐gänharamirrinydja walala mukthurrunaŋga yana ŋunhala bili dhärra'‐dharrana marrtjina, ga nhäŋalayi walala ŋanya yukurrana, bala walala waŋananydja bitjarrana, “Ganydjarrnydja ŋayi yukurra gäma ŋunha Yelatjiyayu ŋunhi Yelatjawuŋu.” Bala walala wäŋgaŋalanydja lili, bala märr‐ŋal'yurrunana yukurrana nhanŋu Yelatjiyawu. 16 Walala waŋana nhanukala Yelatjiyawala bitjarra, “Gul', ŋilimurru marrtji balayi, ga ḻarru'‐ḻarruma nhokalaŋuwu buŋgawa'mirriŋuwu. Mak ŋayi dhika winya'yurruna buku'‐wukuŋura.”

Ŋayi Yelatjiyanydja waŋana walalaŋgu bitjarrana, “Yäw, yakana nhuma yurru marrtji.”

17 Bala walalanydja yana waŋana warray, dhä‐ḏälthina warray waŋana, yana liŋgu‐u‐u, bala ŋayi djuy'yurrunana yana walalanha‐wala. Nhäŋa'‐nhaŋalanydja walala marrtjina‐a‐a, birrka'mirrina dhika wäŋanydja ḻarruŋala nhanŋu ḻurrkun' walunydja ŋupara, yurru yakana walala maḻŋ'maraŋala Yelatjanhanydja. 18 Ga liliyi walala roŋi'‐ruŋiyina, ga ḻakaraŋala nhanbala Yelatjiyawa, “Dhikana bay' bäyŋuna, dhika winya'yurrunana ŋayi.” Ga Yelatjiyanydja waŋana walalaŋgu bitjarra, “Liŋgu ŋarra yawungu ḻakaranha nhumalaŋgu yakaŋuwuna marrtjinyarawu.”

19 Ŋunhala ‡ JerichoDjarikunydja gapu yukurrana ŋamuny'thurruna, yurru yaka manymaktja, yätj gapu, ga yolŋu'‐yulŋunydja ŋunhalayi waŋana ḻakaraŋala § ElishaYelatjiyawu, “Dhuwalanydja gapu yakana manymak, rirrikmaramana ŋuli yukurra bitjanna liŋgu dhiyaŋuyi gapuyu yolŋu'‐yulŋunhanydja.”

20 Ga ŋayi Yelatjiyayunydja waŋana walalanha bitjarra, “Gäŋa lili walala dje'la. Gäŋa lili ŋarrakala.” Bala walala gäŋalana lili nhanukala. 21 Ŋayinydja märraŋala ŋunhiyi dje'lanydja, bala ŋunhimalayi gapulili warrkuḻuŋala, ga waŋananydja ŋayi bitjarra, “Garraynydja yukurra waŋa bitjan, ‘Ŋarranydja yurru gapu dhuwala ḻanyiŋgumana. Yakana yurru biyapulnydja rerri wo ŋula nhä rakunydhinyamirri dhiyala yukurra ŋorra.’ ” Bala marrtjina ŋunhi gapunydja dhika ḻanyiŋdhinana, garrkuḻukthinana gay. 22 Ga ŋunha mukthun yukurra dhärra yulŋunydja garrkuḻuk yana, bitjan yana liŋgu ŋunhi ŋayi Yelatjiyayu waŋana ŋunhiyinha.

23 Ga ŋuliŋuruyi dhäŋuru Yelatjiyayu gonha'yurrunana Djarikuwuynydja wäŋa, bala marrtjina bala‐a‐a * BethelBithullilina, ga gandarrŋuranydja walala yawirriny' nhanŋu bunana, yurru walala ŋunhi beyarrmak‐ḏilkurru yawirriny'tja ḏarramuwurrunydja, bala walala waŋananydja warku'yurruna ŋanya bitjarra, “Gatjala muḻkurr‐baṉḏany!” 24 Yelatjiyanydja bilyurruna, dharr‐way nhäŋala walalanha, ga waŋana bitjarrana, “Yäkuyu Garraywala, nhumalaŋgu yurru ŋula nhä bunanydja yätj.” Yuwalkthiyi märrma' wäyindja marrtjina maḏakarritjtja, maṉḏanha walmana retjaŋuru lili, yurru walalanha bumara gay barr'‐barrmaraŋalana, guḻk‐guḻkthurrunana muṉguykuŋalana ŋanaktja ŋunhi yawirriny'nha. 25 Ga ŋayinydja Yelatjiyanydja mukthurrunaŋga yana marrtjina nhinana, yana liŋgu‐u‐u ga bunana bukuŋura † CarmelGämul wäŋaŋura.