Yurru Wayatjtja ŋunhi yaka manymak giŋ, yaka ŋayi romgu malthurruna ŋurikinydja Giŋ Daypitkunydja; ŋayinydja djäma yukurrana rom wirrkina wal'ŋu yätj dhika maŋutjiŋura Godkalanydja. Ŋayi yukurrana romdja dhuḏakthurruna Yitjuralpuyŋunhana giŋnha, ga buku‐ŋal'yunanydja ŋayi ŋuli goŋbuywuna waŋarrwu; yana ŋayi bumara nhanŋuwaynha ŋayi walkurnha yumurrku'nha, bitjarra ŋayi mundhurr wekaŋala ŋanyana ŋuriki bothinyarayŋuwuna waŋarrwu. Ga bitjarrayi liŋgu ŋayi Giŋ Wayatjthunydja märraŋala ŋunhi Godkuna nhanŋuway dhulŋuŋuna wal'ŋu girri' malanha; märraŋalanydja ŋayi, bala rarr'yurruna ŋurikina miriŋuwuna, liŋgu miriŋunydja ŋuli yukurranha marrtjinya ŋunhimala bitjanana liŋgu.

19-20 Yo, Wayatjtja yukurrana nhinana buŋgawa 16 dhuŋgarra ŋupara, ga ŋunhi ŋayi rakunydhinanydja, ga nhanŋu gäthu'mirriŋuna dharapullili wapthurruna * 16:19–20 HezekiahYitjakayana yäku, ŋayina yurru buŋgawa Djudapuyŋuwunydja.