1-2 Yo, yuṯayuna wirrmuyu walala mulkana wäŋa yäku * 19:1–2 SinaiDjäniyanydja, ŋunhayinydja wäŋa, ŋunhi muka ŋunhi ŋayi Garray milkunharamina † 19:1–2 MosesMawtjitjkala ŋurruthaŋala, bitjarra bitjan gurtha ŋäṉarr ŋatŋatthurruna dharpaŋura. Walala ‡ 19:1–2 IsraelYitjuralpuyŋuyu liŋguna mulkanana ŋunhiyi wäŋanydja ḻurrkun'thinana ŋaḻindi ŋunhalayinydja walalaŋgu ŋunhi walala dhawaṯthurruna § 19:1–2 EgyptYetjipŋurunydja. Bala walala ŋunhalayina wäŋaraŋalanydja galki bukuŋurana, ŋunhiliyina ŋanhdharkŋurana wäŋaŋura.

3 Ŋayi Mawtjitjtja marrtjina bala bukulilina ḏuwaṯthurruna bukumirriyanharawu Gunhu'wu, bala Garray wäthurrunana nhanŋu ŋulaŋuru bukuŋuruna, ga waŋana nhanukala bitjarra, “Waŋiya ŋurikala Yitjuralpuyŋuwala ŋunhi walala yarraṯaŋura * JacobDjaykupkala, biyaka walalambala ḻakaraŋanydja gam'. 4 ‘Liŋgu muka nhuma nhäŋalana ŋunhi ŋarra nhaltjarra Yetjippuyŋunha, ga marŋgina nhuma liŋguna ŋunhi ŋarrapi nhumalanha gäŋalanydja marrtjina dhipala ŋarrakiyingalanydja, bitjarranydja bitjan ŋuli wäyindhu ḏamalayu gäma marrtji nhanŋuway yothunha nhanukalay ŋayi binbarryu. 5 Ŋuli nhuma yurru märrama ŋarranhaynydja dhäruk, ga ḏälkuŋa dhawu'‐nherraṉara ŋunhiyi ŋarrakuŋuwaynydja yana, nhumanydja yurru ŋarrakuwaynha mala yolŋu walala. Bukmak dhuwala wäŋa munathany'tja ŋarrakuway yana, yurru nhumanydja yurru walala ŋarrakuwaynha galkiŋuwuynha, ŋarrakalaynha wal'ŋu goŋŋura. 6 Yo, ŋuli nhuma yurru dhäruk märrama ŋarrakuwaynydja, nhumanydja yurru ganaŋ'thunna ŋarrakuwaynha wal'ŋu miṯtji dhulŋuŋuna, gänana wal'ŋu. Ŋarranydja yurru nhumalaŋgu ŋurruŋuna wal'ŋu buŋgawana, ga nhumanydja yurru ŋarrakuwaynha yana yolŋu walala; nhuma yurru marrtji galkithirrina gal'ŋu ŋarrakalaynha, bitjanna bitjan ḏalkarra'mirrina walala yolŋu'‐yulŋu, ga nhumalaŋgalana yurru walala wiripuŋuyunydja miṯtjiyu maḻŋ'marama ŋarranhanydja.’ Ŋe, ḻakaraŋanydja nhe yurru dhuwala dhäruktja malanha ŋuripa Yitjuralpuyŋuwanydja,” bitjarra Garrayyu dhäruk wekaŋalanydja Mawtjitjkala.

7 Bala Mawtjitjtja dhunarrana ŋulaŋuru bukuŋurunydja, bala yurrum'maraŋala ḏilaknhana, ŋurru'‐ŋurruŋunhana, bala ŋayi ḻakaraŋalana walalambala Garraynhana dhäruk. 8 Ga bukmaknha walalanydja yolŋunydja walala waŋana buku‐ruŋiyinmaraŋalanydja Mawtjitjkala bitjarra, “Ŋanapurrunydja yurru märramana ga djämana‐wala yana ŋunhi nhaltjarra Garray waŋana.” Bala Mawtjitjthu ḻakaraŋalana Garraywala ŋunhi yolŋu'‐yulŋunhana dhäruk.

9 Ga ŋuliŋuru dhurrwaraŋuru Garraynydja waŋana Mawtjitjkala bitjarra, “Ŋarra boŋguŋu ḏo'yurru nhumalaŋgu, maḻŋ'thurrunydja ŋarra boŋguŋu waŋupini'kurru warumukkurru; ŋarra boŋguŋu waŋina nhuŋu, märr yolŋu'‐yulŋuyunydja boŋguŋu ŋarranha rirrakay ŋäkuyi, bala ŋayaŋu‐yuwalkthina nhuŋu weyinŋumirrina.” 10 Ga biyapul ŋayi Garray waŋana Mawtjitjkala bitjarra, “Gatju marrtjiyana, ga ḻakaraŋa ŋurupa yolŋu'‐yulŋuwa, walala yurru gäthuranydja ga goḏarr' boŋgama ŋäthilimirriyanhami gumurr‐ŋamathi ŋarraku. Walala yurru ḏarrtjalkkunharamirriyi ŋayaŋunydja walalanhay walala, ganaŋ'maranhamirrina ŋulaŋuru wiripuŋuŋurunydja nhäŋuru malanyŋuŋuru, ga biyakuyi bili walala boŋguŋu rurrwuyurru girriny'tja walalaŋguway, 11 liŋgu ŋuriŋinydja djunuma waluyu boŋgama Garraynha ḏo'yurru walalaŋgu, ŋayi boŋguŋu dhunarrinydja ŋunhala Bukuŋura Djäniya, milma bukmakkalana yolŋu'‐yulŋuwala. 12 Yo, ḻakaraŋa walalambala biyaka, walala boŋguŋu marrtji märr‐galkithi ŋunha bukulili, yurru yaka walala yurru marrtji galkithirrinydja wal'ŋu, ga dhanu'yundja ŋunhayi bukunydja. Ŋuli yurru ŋula yol marrtji ga dhanu'yun ŋunhayinydja wäŋa buku, ŋayinydja yurru ŋunhiyinydja yolŋu rakunydhirrina. 13 Nhuma yurru ŋanya buŋanydja guṉḏayuna; ŋunhiyi yolŋunydja ga wäyin yurru yakana walŋa nhina. Ga ŋunhi ŋayi yurru yiḏaki ḻoḻthun weyinmaramanydja, walalanydja yurru yolŋunydja walala galkithirrina marrtji bukulilina.”

14 Bala Mawtjitjtja balayi roŋiyina marrtjina yarrupthurruna, yolŋu'‐yulŋuwa ḏo'yurruna, ga ḻakaraŋala walalambala ŋunhi nhaltjarra Garrayyu nhanukala ḻakaraŋala, bala walala yolŋu'‐yulŋunydja ḏarrtjalkkunhaminana walalanhawuy walala gumurr‐ŋamathinyarawuna Garraywu. Walala girri'na rurrwuyurruna marrtjina, ga ŋamathanharamina ŋayaŋuna walalanhay märrma'yunydja waluyu, ganaŋ'maranhaminana ŋulaŋuru wiripuŋuŋurunydja nhäŋuru malaŋuŋuru. 15 Yakana walala ŋulinyaramirriyunydja waluyu dhäykawurru ga ḏarramuwurru märranhaminya ŋuli.

16 Bala wiripuŋuyunydja munhakumirri djaḏaw'yurrunana, ga ŋunhili bukuŋuranydja gorruŋala yukurrana maŋan, yurru warumukthina yukurrana, ga ŋunhilimiyi murryu'‐murryurruna marrtjina yulŋunydja, ga djaḻka'‐djaḻkarryurruna, ga rirrakay ḻoḻthurruna, guywuyurruna marrtjina yiḏaki. Ga yolŋu'‐yulŋunydja ŋunhala wäŋaŋuranydja wirrkina marrmarryunmina, barrarinana manapara. 17 Bala Mawtjitjthu dhawaṯmaraŋalana ŋunhi yolŋu'‐yulŋunhanydja ŋulaŋuru wäŋaŋurunydja, walala dhawaṯthurrunanydja marrtjina gumurr‐wunanhaminyarawuna Godku Gunhu'wu, ga ŋunhala galki bukuŋurana, ŋoyŋura wal'ŋu, walala djingaryurrunanydja marrtjina ŋunhimalayina.

18 Bala Garraynydja dhunarranana marrtjina lili ŋunhimala bukulili Djäniyalilinydja, bitjarrana bitjan ŋuli gurtha marrtji nhäri, ga ŋawulul'yunydja ḻiw'maraŋala monyguŋala ŋunhi bukunydja, yurru ŋayi marrtjina ŋunhi bukunydja gur'kuryurrunana gay', 19 ga ŋunhiyi yiḏakinydja rirrakay dhawaṯthurruna walawukthurrunana wirrkina dhika. Bala ŋayi Mawtjitjthunydja waŋana Garraynha Godnhana, bala Garraynydja waŋana nhanŋu buku‐ruŋiyinmaraŋala murryu'‐murryurrunana. 20 Ŋe, ŋayipi Godtja yarrupthurrunana ŋunhimala bukulili, bala djingaryurrunana yukurrana bukuŋurana djinmir'ŋurana. Bala Garraynydja wäthurruna Mawtjitjkuna bala'ŋuwuna marrtjinyarawu ḏuwaṯthunarawuna ŋunhimalayi bukulilina. Bala ŋayi Mawtjitjtja marrtjina ḏuwaṯthurruna bukulilina, withiyara ŋanya Garraynhana.

21 Ga ŋunhala, ga liliyi ŋayi Garrayyu ŋanya djuy'yurruna, yarrupthunmaraŋalayi yolŋu'‐yulŋuwala. “Gatjuy yarrupthurrana, ga waŋiya raypirri'yurra ŋunhi yolŋunha walalanha, walala yurru yaka marrtji galkithirrinydja ga mel‐ḏukṯukthun Garraywunydja nhänharawu. Ŋunhi walala ŋuli marrtji lilinydja, walalanydja yurru murrmurryunna. 22 Yo, ḻakaraŋanydja walalambala ŋuripa ḏalkarra'mirriwanydja walalambala, walala yurru ḏarrtjalkkunharamirri ganaŋ'maranharamirri gal'ŋu, yurruna walala yurru marrtji galkithirrinydja ŋarrakala, walala ŋuli bäynha rakunydhi ŋuriŋiyina ŋarrakala ḏarrtjalkthuna djarraṯawun'thu.”

23 Ŋayi Mawtjitjtja waŋana bitjarra, “Liŋgu muka nhe walalaŋgu ḻakaraŋala dhärranharawu ŋuruku bala barrkuwunydja, yaka walala yurru ŋunhayi galkithirri ḏuwa'‐ḏuwaṯthun bukulili.”

24 Bala ŋayi Garrayyunydja waŋana bitjarra, “Marrtjiya bala yarrupthurra, ga märraŋa ŋanya Yärunnha, nhuma yurru lili marrtji, yurru ŋunhi wiripu‐guḻkuny'tja yaka yurru marrtji lili, märr yurru walala yaka muka rakunydhirrinydja.”

25 Bala Mawtjitjtja marrtjina yarrupthurruna roŋiyinayi balayi, yolŋu'‐yulŋuwa ḏo'yurruna, bala ḻakaraŋala waŋana raypirri'yurrunana walalanha.