TATETA.
15.
E ame tutayana yau Isileli tubunao taiyao vesi ame kavesiye Yauwe yaina kama, 
Yauwe kina guna Tokitogaga; 
Yauwe kina tovayaviya tayamo. 
Pero ina sariyota be nakae ina tovayaviyayao liliudi, 
Négwasa dimowonina ilataoidi. 
Yauwe, 
Im togaga ana kakainaki goi im kaleyayao kutogooisavedi. 
Kubum ipulu yawoim kusalauwe, 
Ida kaleyayao sigagágasa kadi, 
Go Yauwe, 
Yauwe, 
Tutayana nimakakataim kuyosale, 
Im lokata goi 
Ituli ta boda valem sinove, 
Amo tutayana da Idom adi tolovinao 
Ame tauyadi matoita gagaina toina bei iyoisidi. Yauwe, 
Nava kai im bodao bei kumema kama toinim im koya goi kuyatoima kalokasa. Yauwe, Ame koyayana kukinave im kaba kaiyaka manuna. Tomoya, 
Yauwe bei ikalibubuna vata!’ 
Ame vesiyana unana Pero ina osiyaoyadi nakae ina sariyotayadi madi tokabikunuwoyao sipoikíkina bego négwasa nauyayanaina goi sivadámana, e negwasayana Yauwe ikaluvilemnei da Itipita ikautumdi. E kai go Isileli tubunao kaketoiya poyapoya sayasayaina négwasa nauyayanaina goi. 
E Eroni be yau niuma Miriyam, tauyana Yaubada ina tokabivalavala tayamo, girada ikabi ilauláuwo go, vevina liliudi mlina goi madi girada silauláusa. 
E Miriyamyana vesi ame ivesiye yaidi idigo kana, 
E Isileli tubunao alatuwokoidi kataoya Négwasa Kayakayaina kakalave kana Sura yoyowoina goi. Amoko goi kaaketoiya nakae maliyalina aito go, geya tayaamo bwae kababane. 
Tuwo kaketoiya kama asa Mara goi bwae kababane go, geya itoboinemeta kanim. Bwaeyana itamatama. Moe pasina asayana kaduduwe Mara. 
Tuwo tomota liliudi sikaukulukúluwo yau yaigu sidigo kadi, ‘Bei kaga kanim?’ 
Sikaukulukúluwo go, atumadádana Yauwe yaina vaita manuna. Tuwo alova tayamo ivatulukoigu kana, ‘Alova gomoe kwalisobūye bwaeyana goi.’ Tuwo alovayana akabi, alave bwae goi, e bwaeyana isadibidibi. E tuwo ameko goi Yauwe vatulúkwana be lovina ivinima yawoima manuna go, ivakakonema, 
idigo kana, ‘Yau Yauwe imi Yaubada, ami tokidedevina. Tauna neta konovedokoigu go, kaga dedevina matagu goi koguinuwe be nakae guna lovina konovedi be guna katukeda liliudi kokabikaonedi, e vísiya liliudi boi da Itipita aavinidi geya avinimita.’ 
Ibóbwara ikavava, kataoya, Mara kakalave kana asa Elim goi. Amoko goi doelu ana badabada yawou aiyuwo be nakae deiti alovaidi seventi (70) sikaaiyaka. Tuwo amoko bwae kikina goi katunagu.