Vala Dedevina Luke Igini.
1.
Tomoya Tiyopilo, Tomota badabadaidi bogina sipoikíkina bei Yaubada ina guinuwa boi yaida goi simalatomota tetelidi buki goi siginidi. 
Kaga kaga boi Vala Dedevina ana topaisewao toinidi matadi goi sigimiigitedi be nakae sivadaamanedi kai yaima, e nakae tomotayadi idi buki goi sikaidamanedokoidi. 
Tauna yau nakae anuwonúwana itoboinegu bei guinuwayadi buki goi aginidi. Kaga liliuna sigimiisowóduwo boi nimatu go, ima ame tuta bogina adovatusidokoidi, tauna buki goi aginidokoidi kom Tiyopilo manum 
bego dogoiyadi liliudi boi sivatuulukoim, itoboinem kukamoitamoedokoidi. 
E tetalayana ame nakae: Tolovina Erodi ina lovina ana tuta Yudiya goi Tonúwala tayamo yoina Sakaraiya ikaaiyaka. Sakaraiyayana Tonúwala tayamo ina boda yoina Abiya yaidi goi ipaaisewa. Tauyana monena yoina Elisabeta. Elisabetayana nakae tubuna Tonúwala yoina Eroni. 
E adi taiyuwokova kiboobosidi Yaubada matana goi. Nakae yawoidi goi geya adi pikwanamo Yauwe ina Katukeda ana lovina be ina nuwonúwana liliudi sikabikaonedokoidi. 
Ago Elisabetayana ikágala be nakae adi taiyuwo bogina siwowosobu, tauna geya natudimo. 
E Sakaraiyayana ina bodao idi tuta paisewa isowóduwo, tauyana Tonúwala nakae Yaubada matana goi ipaaisewa go, 
kinava ikabi bei Yauwe ina Vada Kimaasabaina goi isiu. Isiu, nakae Tonúwala idi sinapu, e insensi bei iikasale. 
Kidi go boda madabokina moetala goi sikaaiyaka, insensi ana kasala ana tuta goi liliudi sikaawanoi. 
E tuwo Sakaraiyayana Vada Kimaasabaina isiu go, Yauwe ina anerose isowóduwo insensi ana kaba kasala kakataina goi iitaoya. 
Sakaraiyayana ikandobala anerose igite, ikaliwoisa, tuwo atena iyova gagaina. 
E aneroseyana idigo kana, 
Gomanayana manuna bei kuuyáwana gagaina toina. 
Moitamo. Tauyana bei toolagaina Yauwe matana goi. 
Niga bei komi Isileli tubunao badabadaimi ikaluvilemneimi, 
Eliyau nakae Iyoniyana mana katepatu be mana togaga ivakumgo ima Yauwe manuna. 
Go kina Sakaraiyayana idigo kana, ‘Kaga goi bei ayagoi moe moitamo? Yau bogina akaitomoya. Monegu nakae bogina ikainamoya go!’ 
Go aneroseyana idigo kana, ‘Yau Gaberiyeli, tuta liliuna Yaubada matana goi aataoya ina nuwonúwana aguuinuwe. Tauyana ietunegu ama bei ame vala dedevinayana atalavaite yaim. 
Go kunōve. Guna livala tuta kaikaila goi bei simalatomota. Go guna livalayadi geya kunumisedita, tauna ame tuta maem imoumou, e geya itoboinemta kubóbwara ana kadókana ame dogoiyadi bogina simalatomota baige.’ 
Go bodayadi nava Sakaraiya situuyaosi go, nukotodi siwowówana sinuwonúwana kadi, ‘Kaga unana Vada Kimaasabaina goi nava ikaaimúmuna?’ 
E Sakaraiyayana isowóduwo go, geya itoboineeta ibóbwara boda yaidi. Tauna bodayadi bogina siyagoi Vada Kimaasabaina goi ikaalayáusa. Tuwo nimana goi ikaaukedamo yaidi unana maena imoumou. 
Tauyana ina tapwaroro ana paisewa bogina ilukavave, ikaluvila ina ina kasa. 
E tuta amo mlina tauyana monena Elisabeta ikéuwama go, tukówana ainima goi vada sinaena ma keeuwamina anetava ikaaiyaka, e inuwonúwana kana, 
‘Yauwe bogina inuwaisigu ame nakae: Guna omayamaya geya natugumo pasina tomota matadi goi bogina ikabi inave.’ 
E tukówana sikisi Elisabetayana nava ma keeuwamina, Yaubada ina anerose Gaberiyeli ietune ina asa tayamo Galili sinaena, asayana yoina Nasareta. 
Ietune ina woiyai tayamo geya ana kanaotamo. Woiyaiyana ana kamatákwana moe yoina Iyosepa. Iyosepayana tubuna moe Devida, adi nunu tayamo. Woiyaiyana yoina Meri. 
E aneroseyana ima Meri ina vada goi isiu ima ilatuwoko idigo kana, ‘Kom Meri Yauwe ikanuuwoiyem, uyagu! Tomoya kom taiyao!’ 
E livalayana pasina Meri nukotona taitáiya iuyoi, ina nuwonúwana kana, ‘Anerose ina bóbwara kaga nakona ana yagoina?’ 
Go aneroseyana idigo kana, 
Kunōve. Nava bei kukéuwama. 
Moe Tauyana nava bei toolagaina, 
be Yakobo ina bodao ikalibubuvataedi unana ina kalibubunayana geya ikavaveta.’ 
E Meriyana idigo kana, ‘Yau koroto taiyao geya kamamasisi, tauna moe manakaena bei isowóduwo yaigu?’ 
Go aneroseyana idigo kana, ‘Baloma Kimaasabaina bei iwokoim 
Go kunōve. Osiyam Elisabeta bogina ikainamoya go, bogina ikéuwama, gómana koroto. Tomota sinuwonúwana tauyana ikágala go, ina keuwamayana goi ina tukówana sikisi bogina sikavava. 
Geya kada kaga tayaamo imou Yaubada yaina geya, tauna kom be Elisabetayana imi kéuwama itoboinedi.’ 
E Meriyana idigo kana, ‘Yau Yauwe ina pákwana. Moitamo, latuwogu isowóduwo yau yaigu kaga nakae bogina kudige.’ Amo ikavava, aneroseyana itaoya, Meri ikalave ina. 
E Meriyana itaoya, amo tutayana goi woilina ina Yuda asaina tayamo, asayana koya dadavina goi. 
Ima asayana goi isowóduwo ina Sakaraiya ina vada goi isiu Elisabeta yaina ikauyagu. 
Tutayana Elisabetayana Meri ina kauyagu inove, memeya gamona goi mana uyáwana imoya go, Baloma Kimaasabaina Elisabeta ivakayaodei. 
Tuwo niyana gagaina goi iduduwo kana, 
Ame aba wowoina yau yaigu bego kom ida Tomoya sinana go, yau kumekoigu. 
Ame moitamo. Kunōve. Im kauyagu anovenove, to memeya gamogu goi mana uyáwana imoya. 
Bogina kunumisa bego moitamo Yauwe ina livalayana yaim goi nava bei imalatomota, tauna am dedevina bogina kubabane.’ 
Tuwo Meriyana idigo kana, 
Nakae Yaubada guna Toyava pasina balomaigu 
bego yau Tauyana 
Moe kina Tokalika guinuwa toogagaidi 
be nakae ana towowoinayao malamalágata 
Tauyana nimana toogagaina goi 
Tolovina kebadi goi ivasobusobuyedi go, 
Kidi madi loga dogoi dedevidi goi 
Yaubada ina kitomyao, 
nakae boi tubudao yaidi ikatótula.’ 
E Meri osiyana taiyao tukówana aito nakae sikaaiyaka namliyeta ikaluvila ina ina kasa. 
E kina go Elisabetayana ina tuta venátuna bogina isowóduwo, natuna koroto ivenatuni. 
Ivenátuna, senao be osenao sinove bego Yauwe Elisabeta inuwokapisiye gagaina, tuwo tauyana taiyao siuyáwana. 
Niga gomanayana maliyalina ainima aito bogina ibabanedi, boda sima sakavaina ana kúpwana siyoko. Sakavaina ana kúpwana ikavava, kidi bodayadi bego gómana sivayou tamana ana ebígana 
go, kina sinanayana idigo kana, ‘Geya toina, go sem tavayōu Iyoni.’ 
Go bodayadi sidigo kadi, ‘Go geya vatau tayaamo im boda yaimi goi yoina moe youyana.’ 
E tamana yaina goi sikaukeda, latuwodi siyagoi ava you ivayou. 
Tuwo ikawanoi aba gínina tayamo sime. Sime, tauyana ikabi igini kana, ‘Yoina Iyoni.’ Tuwo boda liliudi nukotodi siwówana. 
E Sakaraiyayana sopana be maena mainao sikakapu, nakae itoboine ibobwaramna. Tuwo ivatowo Yaubada iyapaliye. 
Ago kidi sediyao liliudi sigite, simatoita. Boda Yudiya koyakoyaina dadavina madabokina goi sikaaiyaka moe dogoiyadi sivateetelidi. 
Ego avatauwa neta tetalayadi siinovedi, manudi sinuwoleleu kadi, ‘Amo gomanayana, gómana tayamo.’ Idi bobwarayadi moitamo. Yauwe nimana ikaaiyaka gomanayana yaina. 
Kina go gómana tamana Sakaraiyayana, Baloma Kimaasabaina ivakayaodei, tuwo Balomayana goi Yaubada ina nuwonúwana ikabivalevale, idigo kana, 
‘Yauwe kita Isileli tubunao ida Yaubada aba kaodedevina! 
Ina kitom Devida ina bodao yaidi goi 
Moe nakae boi nimatu Yauwe 
Ina katotulayana bego ada yava tababane 
Nakae iguinuwe 
Moe anasiunayana goi ikatótula tubuda Eberamo yaina. 
Ina katotulayana ame nakae: 
Ida taimaminayana 
E kom nakae, natugu. 
be nakae ina bodao kuvatulukoidi 
ina nuwokapisi gagaina yaida pasidi. 
e bei tauyadi kokonótuya goi 
E kina go gomanayana ibibíbina be nakae balomaina goi iitogaga. Tauyana yoyowo goi ikaaiyaka ana kadókana ina tuta bego isowóduwo senao kidi Isileli tubunao yaidi goi.