ROMA.
9.
Guyau ina vakeda goi abóbwara moitamo. Geya apoleta geya unana Baloma Kimaasabaina nukotogu goi isanayato, e nukotoguyana geya isabutukoeta. Tauna guna bóbwara moitamo. 
Abóbwara moitamo bego ategu goi guna nuwomou gagaina be nakae guna kategeda geya sikavaveta. 
Neta itoboinegu, latuwogu segowo guna bodao Diyuu sakava ana dadava goi avaitedi bei Guyau sinumise. Bego atagonegu yau kidi adi katumapu bei Yaubada ina liuna ababane be nakae Guyau itavileiyegu, e bei tauyadi nakona dedevidi Guyau taiyao. 
Segowoyadi Isileli tubunao yau nakae. Boi nimatu Yaubada tubumao ivanatunedi, ina togaga ana káeyana sigite, ikanasíuna tauyadi yaidi, ina Katukeda ivinidi, Vada Kimaasabaina ana paisewa ivinidi be nakae ina katótula bogina ivinidi. 
Tubumao koroto gagaidi maniyedi nakae maa yoidi. Tauyadi yaidi sakava ana dadava goi Guyau isowóduwo ima. Yaubada, Tauyana kaga liliuna itobuukukuidi, aba yapali vata! E nakae! 
E Diyuu maniyedi Yeisu geya sinumiseeta go, manakae? Yaubada ina livala yaidi goi geya imalatomoteta? Geya, imalatomota. Bogina koyagoi. Geya kada Isileli tubunao liliudi moitamo toina Yaubada ina bodao toina geya. 
Nakae Eberamo tubunao yaidi goi maniyedi geya ina bodao toidi geya, go sem Yaubada Eberamo ilatuwoko idigo kana, ‘Guna katótula tubumowo manudi Aisake goi bei imalatomota.’ 
Moe livalayana ana yagoina ame nakae: Eberamo tubunao sakava goi moe geya Yaubada natunao geya, go sem avatauwa neta Yaubada ina katótula goi sisowóduwo moe Yaubada natunao. 
Ame moitamo. Atotulayana kana, ‘Tukówana ainima aivasi nakae sikavava, bei akaluvila go, Serayana bogina bei ivenátuna, natuna koroto.’ 
Go Sera geya anetava atótula goi ikéuwama geya, go sem Ribeka nakae. Koroto tayamo goi ikéuwama lalavi; korotoyana moe tubuda Aisake. 
Moitamo ina keuwamayana moe atótula goi. Kidi lalaviyadi nava geya sibibineta nakae geya tayaamo kaga dedevina o goyogoyoina siguinuwe go, tuwo Yaubada tayamo ikinave, moe Yakobo. Moe bego ina kinavayana goi ina yúpuna nava iisowóduwo. 
Go Yakoboyana ana kinava moe geya ina guinuwa pasina geya, go sem ana Toduduwo Yaubada pasina. E tutayana lalaviyadi nava geya sibibineta, Yauwe Ribeka ilatuwoko idigo kana, ‘Bogomane bei ietolovina botomoya yaina goi.’ 
Moe nakae Yaubada ina tokabivalavala tayamo igini idigo kana, 
E tauna manakaeda Yaubada ina guinuwayana manuna? Kada, ‘Yaubada ina lovina Yakobo be Iso manudi geya ivavaseta’? Geya, geya toina! 
Moitamo. Mosese nakae igini Yaubada ina guinuwayana manuna idigo kana, ‘Avatau neta latuwogu akanuwoiye, bei akanuwoiye. Avatau neta latuwogu anuwokapisiye, bei anuwokapisiye.’ 
Tauna Yaubada ina kinava unana moe geya kada kaga tomota latuwodi o idi poisógana goi geya, go sem moe Yaubada kina Tonuwokapisi ame tauna. 
Moitamo. Geya kada tomota idi guinuwa goi geya. Gínina Kimaasabaina nakae idige. Gininayana goi Yaubada Pero ilatuwoko idigo kana, ‘Ame pasina tauna atagonem maa yawoim: Latuwogu guna togaga kom goi avagitakoe go, aiyuwoina bei valegu inúnuwo ina poyapoya ana madabokina goi.’ 
E tauna avatau neta Yaubada latuwona inuwokapisiye, bei inuwokapisiye go, neta latuwona avatau dabana ikaukase, bei ikaukase. 
Tauna tayamo yaimi nakona bei idigo kana, ‘Neta Yaubada ina sinapu nakae, kaga unana nava iwowokoida toogoyoida? Avatau itoboine Yaubada ina nuwonúwana ivakaleye? Geya!’ 
Kom tomota! Moe geya toina, go sem kom vatau itoboinem Yaubada kukaubodebode? Manakae? Vaega itoboine ana tokalitaoya ilatuwoko kana, ‘Kaga unana ame nakae kukalitaoegu?’ Geya ae? 
Manakae? Tomolúluwo mana lovina bei kula tayamo goi vaega tayamo ikalitaoe kelamo aba wowoina manuna go, vaega tayamo ikalitaoe moe vaega beso geya ana kaba wowoinamo? U nakae! 
E livalakaibalayana ataligei. Nakona Yaubada latuwona ina egamogamogu ivagitakoe be nakae ina liuna goi ina togaga ikaiwoduwe bego tomota siyagoi go, tuwo toogoyoidi bogina ikatubaayasidi adí mtula manuna, e yaidi goi imesayágana gagaina be adi liuna itoto. Neta nakae latuwona, itoboine nakae iguinuwe. 
Moitamo toina Tauyana itoboine ina togaga ana káeyana ivagitakoe tauyadi inuwokapiisiyedi yaidi bego ana kaeyanayana dedevina toina. Amo tauyadi moitamo igimikatubayasidi bei ana káeyana tomoeeyalina sisiuko. 
Kita iduduweda go, geya kada Diyuu adetava geya, go sem Totuyoyowo nakae. 
Moe nakae Yaubada ina livala boi Oseya italavaite idigo kana, 
Aiyuwoina kana, 
E kina go Aiseya Isileli tubunao manudi italavaita idigo kana, 
Moe moitamo. 
Moe nakae Aiseya ina talavaita Yaubada manuna, idigo kana, 
E tauna mae guna livalayadi manudi manakaeda? Ame nakae: Totuyoyowo enao geya silusaleeta bego kidi kiboobosidi Yaubada matana goi go, tuwo moe sibabane. Go moe numisa goi sibabane. 
E kidi go Isileli tubunao latuwodi Yaubada ina Katukeda sisokikine bei Atukedayana ana guinuwa pasina kidi kiboobosidi Yaubada matana goi go, moe geya sibabaneeta. 
Kaga unana geya sibabaneeta? Unana idi sokikinayana moe geya kada numisa goi geya, go sem Atukedayana ana guinuwa kaka goi. Tauyadi Gurewa aba sapákwana isapakoidi sikapusi. 
Moe nakae Gínina Kimaasabaina goi Aiseya Yaubada ina livala italavaite idigo kana,