ROMA.
10.
Segowo, ategu goi latuwogu toina guna bodao adi yava bei sibabane, e moe manuna nakae akaawanoi Yaubada yaina. 
Ataalavaita tauyadi manudi bego madi salau sipooisógana Yaubada manuna go, idi poisoganayana goi geya idi nanamsamo. 
Ame moitamo. Yaubada ina kibóbwata ina kanasíuna manuna kidi Isileli tubunao sitamogemogeye. Tuwo sipoikiki bego toinidi idi túwana siwodugu aditava manudi bego kidi anasíuna tomotaidi kiboobosidi. Tauna Yaubada ina kibobwatayana ina kanasíuna manuna geya siuyaoneeta. 
Moe moitamo. Yaubada ina Katukeda Guyau goi imalatomota, e bei avatauwa neta Tauyana sinumise, Yaubada matana goi kidi kiboobosidi. 
Moitamo Guyau goi imalatomota. Mosese boi igini tomota manakaedi bego Atukedayana ana guinuwa pasina Yaubada matana goi kidi anasíuna tomotaidi kiboobosidi, idigo kana, ‘Avatauwa neta lovina Yaubada ina Katukeda goi siguuinuwedi, e guinuwayadi goi bei siiketoiya.’ 
Go ida numisa pasina kita anasíuna tomotaida kiboobosida, moe manuna Gínina Kimaasabaina idigo kana, ‘Atem goi taabu kudigodīgo kam, “Avatau bei ituko ina yábana?”’ Atukeda 30:12 Moe ana yagoina kada, ‘Tomota tayamo itoboine ituko ina yábana bego Guyau ikabi isouye.’ Go Guyauyana bogina isou ima! 
Aiyuwoina taabu kudigodīgo kam, ‘Avatau bei isou tokamasa vata idi dadava goi?’ Atukeda 30:13 Moe ana yagoina kada, ‘Guyau tokámasa yaidi goi takabi takaitaóe.’ Go Guyauyana tokámasa yaidi goi bogina itaoyamna! 
Guyau ada yava bogina ime. Tauna ada yavayana geya kada aduwanau goi geya, go sem Gínina Kimaasabaina manakaena ilatuwokoida? Idigo kana, ‘Yaubada ina livala bogina kikim goi ikaaiyaka; nakae sopam goi be atem goi ikaaiyaka.’ Atukeda 30:14 Moe livalayana numisa valena kai kataalavaite 
bego neta sopada goi Yeisu takatomoyae kina Tomoya be nakae ateda goi tanumisa bego Yaubada tokámasa yaidi goi ikaitaóe, e ada yava bei tababane. 
Moitamo. Ateda goi tanumisa, tauna kita Yaubada matana goi kiboobosida. E sopada goi Yeisu takatomoyae bego Tauyana Tomoya, e bei ada yava tababane. 
Moe nakae Gínina Kimaasabaina idige kana, 
Bogina koyagoi. Kita Diyuu be kidi Totuyoyowo tavavasa; enao tayamo goi madabokida ada yava tababane. Ida Tomoya tayamo; e Tauyana tomota liliuuda ida Tomoya. Tauyana Toesaesa; bei liliuda neta taduduwe, e yaida goi ikaiguyau gagaina. 
Moe nakae Iyoeli idige kana, 
E tauna Yaubada neta totalavaita geya ivamoleyedita, manakaedi bei Vala Dedevina sitalavaite? Geya. Neta Valayana geya sitalavaiteeta, tomota manakaedi bei sinove? Geya. Neta tomota geya sinoveeta, manakaedi bei sinumisa Yeisu yaina? Geya. Neta geya sinumiseeta, manakaedi bei siduduwo Tauyana yaina vaita manuna? Neta Yaubada ina totalavaita ivamoleyedi sina sitalavaita, moe bei dedevina toina. Moe nakae Gínina Kimaasabaina idige kana, 
Valayana tomota liliudi sinove go, maniyedi geya sikabikaoneeta. Moe nakae Aiseya ina livala. Tauyana idigo kana, ‘Yauwe, 
Tauna numisa ana kenao ame nakae: Tomota sinumisa unana Guyau Valena sinove go, Valenayana sinove tomota idi talavaita pasina. 
Nakona maniyedi sitamogemoge unana Valayana geya sinoveeta. Go manakae? Yau abobóbwara bego kidi Isileli tubunao Valayana geya sinoveeta? Geya! Moitamo, bogina sinove. Same goi nakae igini kana, 
Go manakae? Yau abobóbwara bego Yeisu valenayana ana yagoina kidi Isileli tubunao geya siyagoiyeta? Geya! Siyagoi go, sikatae! Boi mainao Mosese nakae idige kana, ‘Komi Isileli tubunao, Totuyoyowo geya guna bodao geya go, bei sinumisegu, e bei komi komatakikivedi. Tauyadi sitamogemoge go, bei avaitedi, e pasidi komi gamomi igoyo.’ 
E Aiseya nakae mana katepatu Yaubada ina livala italavaite Totuyoyowo manudi idigo kana, 
Go Isileli tubunao manudi Yaubada idigo kana,